اسلام آباد میں موٹر سائیکل کی ڈبل سواری پر پابندی عائد

ویب ڈیسک  اتوار 17 فروری 2019
پابندی کا اطلاق ریڈزون، ایکسپریس ہائی وے، کشمیر ہائی وے اور بلیو ایریا میں ہوگا فوٹو: فائل

پابندی کا اطلاق ریڈزون، ایکسپریس ہائی وے، کشمیر ہائی وے اور بلیو ایریا میں ہوگا فوٹو: فائل

اسلام آباد: سعودی ولی عہد کے دورے کے باعث وفاقی دارالحکومت میں آئندہ 2 روز کے لیے موٹر سائیکل کی ڈبل سواری پر پابندی عائد کردی گئی ہے۔

ایکسپریس نیوز کے مطابق سعودی ولی عہد شہزادہ محمد بن سلمان کے دو روزہ دورے کے باعث  ڈپٹی کمشنر اسلام آباد حمزہ شفقات نے دفعہ 144 نافذ کردی ہے۔ جس کے تحت 2 روز کے لیے موٹر سائیکل کی ڈبل سواری پر پابندی عائد کردی گئی ہے، جس کا اطلاق ریڈزون، ایکسپریس ہائی وے، کشمیر ہائی وے اور بلیو ایریا میں ہوگا۔

اس خبرکوبھی پڑھیں: سعودی ولی عہد کا دورہ پاکستان؛ پیر کو عام تعطیل کا اعلان

دوسری جانب اسلام آباد راولپنڈی میٹرو بس سروس بھی 2 روز کے لیے بند کردی گئی ہے۔ اس کے علاوہ وفاقی دارالحکومت میں پیر کے روز عام تعطیل کا اعلان کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔