جس امریکی سفارتی اہلکار کو ملک چھوڑنے کا حکم دیا گیا ہے اس کا تعلق دیویانی سے متعلق مقدمے ہی سے تھا، بھارتی حکام
غیرملکی خبر ایجنسی کے مطابق بھارتی وزارت خارجہ کے حکام کا کہنا ہے کہ بھارت نے نیویارک میں تعینات اپنی سفارتی اہلکار دیویانی کھوبرا گڑے کے عہدے کے برابر نئی دلی میں تعینات امریکی اہلکار کو ملک چھوڑنے کا حکم دیا ہے ، حکام کا کہنا تھا کہ جس امریکی سفارتی اہلکار کو ملک چھوڑنے کا حکم دیا گیا ہے اس کا تعلق دیویانی سے متعلق مقدمے ہی سے تھا۔
واضح رہے کہ بھارتی سفارتی اہلکار دیویانی کو ویزا فراڈ اور اپنی نوکرانی کو انتہائی کم اجرت دینے کے الزامات میں 13 دسمبر کو گرفتار کیا گیا تھا، امریکا نے دیویانی پر فردِ جرم عائد ہونے کے بعد بھارت کی درخواست پر انہیں استثنیٰ دیا اور ملک چھوڑنے کا کہا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔