2012میں بھی اسی ریاست میں مسلم کش فسادات میں سیکڑوں مسلمانوں کو قتل کر دیا گیا تھا۔ فوٹو؛ فائل
غیرملکی خبرایجنسی کے مطابق بنکاک میں کام کرنے والے انسانی حقوق کی تنظیم'' فورٹی فائی رائٹس'' کا کہنا ہے کہ ان کی تنظیم کے ارکان نے میانمار میں اس سانحے کے عینی شاہدین اور دیگر افراد سے اس حوالے سے بات چیت کی جنہوں نے اس بات کی تصدیق کی کہ سیکورٹی فورسز کی جانب سے گزشتہ ہفتے 40 سے زائد مسلمانوں کا قتل عام کیا گیا، سیکورٹی فورسز کے ہاتھوں قتل کئے جانے والوں ميں خواتین اور بچے بھی شامل ہے۔
تنظیم کا مزید کہنا تھا کہ سیکورٹی فورسز کے ہاتھوں قتل کئے جانے والوں مسلمانوں کی تعداد اس سے کہیں زیادہ ہو سکتی ہیں کیونکہ مغربی ریاست راخین میں حکومتی پابندیوں کی وجہ سے کسی کو بھی جانے کی اجازت نہیں ہے۔
واضح رہے کہ میانمار میں 49 سالہ آمریت کے 2011 میں خاتمے کے بعد اب تک سیکڑوں مسلمانوں کو بدمت کے پیروکاروں کی جانب سے قتل کیا جا چکا ہے جب کہ ایک لاکھ 40 ہزار سے زائد مسلمانوں ہجرت پر مجبور ہو چکے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔