- ورلڈ لیجنڈز کرکٹ لیگ، پاکستان اور بھارت کے کھلاڑی ایک مرتبہ پھر مدمقابل
- ٹی 20 ورلڈ کپ: سری لنکا نے اپنی ٹیم کا اعلان کردیا
- الشفا اسپتال سے ایک اور اجتماعی قبر دریافت، 49 ناقابل شناخت لاشیں برآمد
- بنگلہ دیش میں موسمیاتی تبدیلی کے اثرات، آسمانی بجلی گرنے سے 74 ہلاکتیں
- اذلان شاہ ہاکی ٹورنامنٹ؛ پاکستان اور جاپان 11 مئی کو فائنل میں مدمقابل آئیں گے
- سانحہ نو مئی کے خلاف پنجاب اور سندھ اسمبلی میں قرارداد کثرت رائے سے منظور
- کراچی میں نان کی قیمت 17 اور چپاتی کی قیمت 12 روپے مقرر
- اپنے خلاف کرپشن کیس بند کرانے پر فجی کے وزیراعظم کو ایک سال قید
- زرمبادلہ کے ذخائر میں اضافہ، 14 ارب 45 کروڑ 89 لاکھ ڈالر کی سطح پر آگئے
- دہشت گردی کیخلاف جنگ میں پاکستان کیساتھ کام کرنے کیلیے پُرعزم ہیں؛ امریکا
- وسیم جونیئر اور عامر جمال کو ٹیم میں ہونا چاہیے تھا، شاہد آفریدی
- 9 مئی کے ورغلائے لوگوں کو پہلے ہی شک کا فائدہ دے دیا، اصل مجرم کو حساب دینا ہوگا، آرمی چیف
- نو مئی: پی ٹی آئی کا ملٹری کیمروں کی ویڈیوز برآمدگی کیلیے سپریم کورٹ جانے کا اعلان
- محمد عامر کو آئرلینڈ کا ویزا جاری کردیا گیا
- توہین رسالت اور توہین قرآن کا جرم ثابت ہونے پر ملزم کو سزائے موت
- فوج کی سیاست میں مداخلت نہیں ہونی چاہیے یہ آپ کا کام نہیں، عارف علوی
- عمران خان کا حکم؛ شیر افضل کو کور کمیٹی سے بھی نکال دیا گیا
- انٹربینک مارکیٹ میں ڈالر کی قدر میں محدود اضافہ، اوپن مارکیٹ میں کمی
- چھوٹا سا غار جس میں داخل ہونے والے کی موت قطعی ہے
- بچوں اور نوجوانوں میں کاہلی کا رجحان قلبی مسائل کا سبب بن سکتا ہے، تحقیق
وزیراعظم شہباز شریف کی نئی کابینہ نے حلف اٹھا لیا
اسلام آباد: وفاقی کابینہ نے ایوان صدر میں منعقد تقریب میں حلف اٹھا لیا۔
صدرمملکت ڈاکٹر عارف علوی کی جانب سے نئی کابینہ سے حلف لینے سے معذرت کے بعد چیئرمین سینیٹ اورقائم مقام صدر صادق سنجرانی نےنئی کابینہ سے حلف لیا۔ وفاقی کابینہ میں 30 وزرا ، 4 وزرائے مملکت اور3 مشیر شامل ہیں۔
وفاقی وزرا میں مسلم لیگ ن سے خواجہ محمد آصف ، وزیر منصوبہ بندی احسن اقبال، وزیر داخلہ رانا ثناء اللہ ، سردار ایاز صادق ، رانا تنویر حسین ، خرم دستگیر ، مریم اورنگزیب وفاقی وزیراطلاعات ونشریات، سعد رفیق ، جاوید لطیف ، ریاض حسین پیرزادہ ، مرتضی جاوید عباسی ، اعظم نزیر تارڑ وفاقی وزیر قانون وانصاف شامل ہیں۔
بلاول بھٹو برطانیہ جارہے ہیں واپسی پر وہ بطور وزیرخارجہ حلف اٹھائیں گے۔ پیپلز پارٹی سے خورشید شاہ وفاقی وزیر آبی وسائل، نوید قمر وزیر تجارت، شیری رحمان موسمیاتی تبدیلی کی وزیر ہوں گی۔ عبدالقادر پٹیل وزیرصحت ، شازیہ مری وزارت تخفیف غربت و سماجی تحفظ، سید مرتضی محمود وزیر صنعت و پیداوار ، ساجد توری سمندر پار پاکستانی، احسان الرحمان وزارت برائے بین الصوبائی رابطہ، عابد حسین بھائیو وزیر نجکاری ہوں گے۔
جے یو آئی سے مولانا اسعد محمود وزیر مواصلات ہوں گے جب کہ ایک اور وزیر عبدالواسع ہوں گے، مفتی عبدالشکور کو وفاقی وزیر مذہبی امور بنایا گیا ہے، سینیٹر طلحہ محمود وزیر سیفران جبکہ ایم کیو ایم سے سید امین الحق وفاقی وزیر آئی ٹی اور فیصل سبزواری بحری امور کے وزیر ہوں گے۔ اسرار ترین، شاہ زین بگٹی انسداد منشیات اور طارق بشیر چیمہ نے بھی حلف اٹھایا۔
وزرائے مملکت میں عائشہ غوث پاشا، حنا ربانی کھر وزیر مملکت خارجہ امور، عبدالرحمن خان کانجو اور مصطفے نواز کھوکھر وزیر مملکت قانون و انصاف شامل ہیں۔ قمر زمان کائرہ مشیر کشمیر امور، انجینئیر امیر مقام اور مفتاح اسماعیل مشیر ہوں گے۔
مصطفی نواز کھوکھر وزیر مملکت کا عہدہ سنبھالنے سے معذرت
پیپلزپارٹی کے رہنما مصطفی نواز کھوکھر نے وزیر مملکت کا حلف لینے سے انکار کردیا۔ پیپلز پارٹی کے شریک چیئرمین آصف علی زرداری نے رابطہ کیا مگر مصطفی نواز کھوکھر نے واضح جواب دیدیا۔
انہوں نے کہا کہ وزیر مملکت کا عہدہ لے کر اپنی تنزلی نہیں کرواسکتا، میں ماضی میں وفاقی وزیر کے برابر عہدے کے ساتھ انسانی حقوق کا مشیر رہ چکا ہوں۔ مصطفی نواز کھوکھر نے تنزلی پر اپنی پارٹی قیادت سے ناراضی کا اظہار کیا اور حلف لینے نہ آئے۔
مصطفی نواز کھوکھر نے ذاتی وجوہات کی بنا پر وزیر مملکت کا عہدہ سنبھالنے سے معذرت کرتے ہوئے کہا کہ آنے والے انتخابات سے متعلق اپنی ذمہ داریوں پر فوکس رکھنا چاہتا ہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔