
ذرائع کا کہنا ہے کہ یہ تمام کارروائیاں انٹیلی جنس بنیادوں پر کی جارہی ہے اور کارروائیوں میں جدید ترین پاکستانی آپریشنل ٹیکنالوجی کا استعمال کیا گیا ہے ،آئندہ چند دنوں میں فاسٹ ٹریک فضائی کارروائیوں کا دائرہ کار مزید بڑھایاجائے گا اور عسکریت پسندوں کے ٹھکانوں کا خاتمہ کیا جائے گا۔ذرائع کا کہنا ہے کہ ان حملوں میں اس بات کو یقینی بنایا گیا ہے کہ تمام حملے اہداف پر کیے جائیں اور ان حملوں کے نتیجے میں آبادی متاثر نہ ہو ۔
ذرائع نے بتایا کہ حتمی آپریشن کی منظوری تک فاسٹ ٹریک کارروائیوں کا سلسلہ جاری رکھا جائے گا۔ حکومت اب بھی اس بات پر قائم ہے کہ مذاکرات کا عمل کامیاب بنایا جاسکے اور طالبان غیر مشروط جنگ بندی کا اعلان کردیں ،طالبان کمیٹی کے ذرائع کا کہنا ہے کہ غیر مشروط جنگ بندی کی اپیل سے طالبان شوریٰ کو آگاہ کردیا گیا ہے اور اس حوالے سے ان میں مشاورت ہورہی ہے اور مولانا سمیع الحق کی واپسی کے بعد مذاکراتی عمل کے حوالے سے اہم پیش رفت ہوسکتی ہے ۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔