حکمرانوں کواقتدار سے نکالنا واجب ہو گیاطاہرالقادری

عوام اورمیری ملاقات کے درمیان چند دنوں کا فاصلہ حائل ہے۔ اسی مہینے وطن واپس آ رہا ہوں، طاہر القادری

Numainda Express June 08, 2014

ملک میں انقلاب آئے گایاجام شہادت پیوں گا، طاہر القادری فوٹو: فائل

KARACHI: پاکستان عوامی تحریک کے قائد ڈاکٹرطاہرالقادری نے کہا ہے کہ موجودہ حکمران ریاست پاکستان اور اداروں کے دشمن ہیں اس لیے انھیں اقتدار سے نکال باہرکرنا ہرفرد پر واجب ہوگیا ہے ۔

۔پاکستان عوامی تحریک کی سینٹرل ورکنگ کونسل کے اجلاس سے ٹیلیفونک خطاب کرتے ہوئے انھوں نے کہا کہ انقلاب آئے گایا شہادت کا جام پیوں گا اب واپسی نہیں ہو گی۔پاکستان عوامی تحریک کا 10نکاتی ایجنڈا غریب کا مقدر بدل دے گا، ملکی مفادات کو بیچنا حکمرانوں کا آرٹ ہے۔عوام اورمیری ملاقات کے درمیان چند دنوں کا فاصلہ حائل ہے۔ اسی مہینے وطن واپس آ رہا ہوں۔

طاہر القادری کا کہنا تھا کہ انقلاب کی جدوجہد کا آخری اور فیصلہ کن مرحلہ شروع ہوگیا ہے۔ سبز انقلاب میری زندگی کا مقصد ہے اس کے لیے کسی قربانی سے دریغ نہیں کروں گا۔ انھوں نے کہا کہ موجودہ حکمرانوں کی ملک دشمنی کا یہ عالم ہے کہ اپنی ہی فوج پراعتماد نہیں۔