اگر طیارے کو جلد خالی نہ کرایا گیا تو ہمارے لئے مسائل پیدا ہوں گے، ایمرٹس ایئرلائن فوٹو؛فائل
ایکسپریس نیوز کے مطابق ایمرٹس ایئرلائن کی انتظامیہ کی جانب سے ایئرپورٹ سیکیورٹی فورس اور سول ایوی ایشن سے رابطہ کرکے پرواز ای کے 612 کو جلد خالی کرانے کا مطالبہ کیا گیا ہے۔ ایئرلائن انتظامیہ کی جانب سے کہا گیا ہے کہ جہاز کو فوری طور پر خالی کرایا جائے کیوں کہ انہوں نے مسافروں کو لے کر روانہ ہونا ہے اگر جہاز خالی نہ کرایا گیا تو تاخیر کی وجہ سے ان کے لئے مسائل پیدا ہوں گے۔
واضح رہے کہ راولپنڈی ایئرپورٹ سے پاکستان عوامی تحریک کے سربراہ ڈاکٹر طاہرالقادری کے طیارے کا رُخ موڑے جانے کےبعد جہاز لاہور کے ایئرپورٹ پر کھڑا ہے تاہم طاہرالقادری کا کہنا ہے کہ جب تک انہیں فوج کی سیکیورٹی فراہم نہیں کی جاتی اس وقت تک وہ طیارے سے باہر نہیں آئیں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔