افطار میں جوس اور ملک شیک بھی بچوں کو ضرورت کے مطابق دیا جا سکتا ہے۔ فوٹو: فائل
ماہرین کا کہنا ہے کہ بچوںکوسحراورافطار میں پروٹین والی اشیا کیساتھ شربت کودودھ میں ملاکر استعمال کرایا جائے، بچوںکوتلی ہوئی اشیا کم استعمال کرائیں، ماہرین غذائیت کا کہنا ہے سحری میں بچوںکوانڈے کا استعمال کرایاجا سکتا ہے جبکہ دہی اور لسی کا استعمال دن بھر توانائی بحال رکھنے میں مددگار ہوتا ہے، افطار میں جوس اورملک شیک بھی بچوں کو ضرورت کے مطابق دے سکتے ہیں،ماہرین غذائیت کاکہنا تھاکہ افطار میں تیز مصالحے جات معدے میں تیزابیت پیدا کرتے ہیں لہٰذا معدے کوتیزابیت سے محفوظ رکھنے کیلیے چاٹ میں تیز مصالحہ جات سے اجتناب کیاجائے کیونکہ زیادہ اور تیزمصالحہ جات کے استعمال سے پیٹ بھی خراب ہوسکتا ہے۔
افطار میں کھجور کھانے سے فوری توانائی حاصل ہوتی ہے، بچوںکو سحر اور افطار کے وقت تندوری روٹی ہرگز استعمال نہ کرنے دیں، گردوںکے امراض میں مریض افطاراور سحر کے دوران پانی کا استعمال رکھیں تاہم ڈائیلسس کرانے والے افراد اپنے معالجین کی ہدایت پر پانی کا استعمال رکھیں، ماہرین غذائیت کا کہنا ہے کہ سحر اور افطار میں متوازن خوراک ہی صحت کی ضامن ہوتی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔