ترجمان پاک فوج نے موجودہ سیاسی بحران میں آرمی چیف کو کردار ادا کرنے کے لئے حکومت کی جانب سے کی گئی درخواست کی تصدیق کردی،
فوٹو رائٹرز/فائل
ڈی جی آئی ایس پی آر میجر جنرل عاصم باجوہ نے موجودہ سیاسی بحران پر آرمی چیف کے ثالثی سے متعلق کردار پر وضاحت دیتے ہوئے کہا کہ گزشتہ روز وزیراعظم ہاؤس میں وزیراعظم نوازشریف اور آرمی چیف جنرل راحیل شریف کے درمیان ملاقات میں حکومت کی جانب سے موجودہ سیاسی بحران کے حل میں پاک فوج کے سربراہ سے کردار ادا کرنے کی درخواست کی گئی تھی جس کےبعد آرمی چیف نے فریقین کےدرمیان سہولت کار کا کردار ادا کیا۔
دوسری جانب حکومتی ترجمان کا کہنا ہے کہ ترجمان پاک فوج کے بیان سے قومی اسمبلی میں وزیر داخلہ چوہدری نثار کے بیان کی تائید ہوگئی ہے جس کے بعد فوج کا کردار متنازعہ بنانے کی کوشش نہ کی جائے۔
ISPR Release:#COAS was asked by the Govt to play facilitative role for resolution of current impasse, in yesterday's meeting, at #PM House
— Gen(R) Asim Saleem Bajwa (@AsimBajwaISPR) August 29, 2014
واضح رہے کہ آج قومی اسمبلی میں وزیراعظم نوازشریف نے آرمی چیف سے اپنا کردار ادا کرنے کی درخواست سے متعلق خبروں کو مسترد کرتے ہوئے کہا تھا کہ آرمی چیف جنرل راحیل شریف کی ثالثی عمران خان اور طاہرالقادری کی خواہش پر حاصل کی گئی تھی جبکہ طاہرالقادری اور عمران خان بھی اپنی جانب سے آرمی چیف کو ثالث بنانے سے متعلق بیان کی تردید کرچکے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔