نوجوان ہمارا قیمتی سرمایہ ہیں، یونیورسٹی انتظامیہ سے نوجوان کوسمجھائیں، وفاقی وزیر۔ فوٹو: فائل
نمائندہ ایکسپریس کے مطابق ممتازاسکالر ڈاکٹر عزیزالرحمن بوگیو کی کتابThe true face of islam کی تقریب رونمائی کے دوران اس وقت دلچسپ صورت پیداہوگی جب وفاقی وزیر احسن اقبال تقریب سے خطاب کررہے تھے توایک طالبعلم نے ''گونوازگو''کانعرہ لگادیا۔ اس دوران پریسٹن یونیورسٹی کے رجسٹرارڈاکٹر اے ڈبلیوبلوچ نے اسٹیج پرکھڑے ہوکرکہاکہ طالبعلم کوہال سے باہرنکال دو۔
وفاقی وزیرنے کہاکہ کیا یہ سیاسی تربیت ہے کہ ادبی تقریب میں اس قسم کے نعرے لگائے جارہے ہیں، نوجوان ان دھرنوں سے کیا سبق سیکھ رہے ہیں؟ انھوں نے کہاکہ میں نے یونیورسٹی کی انتظامیہ سے کہاکہ اس نوجوان کوسمجھائیں، نوجوان ہمارا قیمتی سرمایہ ہیں۔ دوسری جانب ذرائع کا کہنا ہے کہ وزیراعظم نواز شریف کے خلاف نعرے باری کرنے والے طالبعلم کویونیورسٹی سے خارج کردیاگیا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔