پریس کانفرنس میں افراد کو مدعو کیا گیا ہےجو پارٹی کے انٹرا الیکشن میں ہارگئے تھے، اعجاز جنجوعہ فوٹو؛فائل
ایکسپریس نیوز کے مطابق تحریک انصاف ملتان کے صدر اعجاز جنجوعہ کا کہنا ہے کہ ڈاکٹر خالد خاکوانی کے گھر ہونے والی پریس کانفرنس میں عمران خان کے دائیں بائیں بیٹھنے والوں میں خالد جاوید وڑائچ، رانا جبار اور ندیم قریشی سمیت ان افراد کا نام شامل کیا گیا ہے جو پارٹی کے انٹرا الیکشن میں ہارگئے تھے جب کہ پارٹی کے منتخب عہدیداران کو مکمل طور پر نظرانداز کیا گیا ہے۔
اعجاز جنجوعہ کا کہنا ہے کہ جس گھر میں پریس کانفرنس ہوئی وہاں داخل ہونے والے لوگوں کی فہرست میں بھی ضلعی عہدیداروں کا نام شامل نہیں کیا گیا جس کے باعث ضلع ملتان کے 20 عہدیداران نے احتجاجاً پریس کانفرنس کا بائیکاٹ کیا۔ دوسری جانب تحریک انصاف ملتان کی ویمن ونگ کی صدر سبین گل نے بھی عمران خان کی پریس کانفرنس کا بائیکاٹ کردیا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔