پاکستانی نژاد بچے نے دنیا کے کم عمر ترین کمپیوٹر پروفیشنل ہونے کا اعزاز حاصل کرلیا

ایک دن برطانیہ میں امریکی کی سلیکون ویلی کی طرز پر ٹیکنالوجی حب ’ای ٹیکنالوجیز‘ قائم کروں گا، ایان قریشی کا عزم

ویب ڈیسک November 15, 2014

آیان قریشی کے والدین 2009 میں پاکستان سے برطانیہ منتقل ہوئے تھے۔ فوٹو: کوونٹری ٹیلیگراف

پاکستانی نژاد برطانوی بچے ایان قریشی نے دنیا کے کم عمر ترین کمپیوٹر پروفیشنل ہونے کا اعزاز حاصل کرلیا ہے۔

برطانوی نشریاتی ادارے کی رپورٹ کے مطابق ایان قریشی کے والد عاصم قریشی بھی آئی ٹی کنسلٹنٹ ہیں اور وہ اپنے دیگر اہل خانہ کے ہمراہ 2009 میں پاکستان سے برطانیہ منتقل ہوئے تھے۔ ننھا ایان 3 برس کی عمر میں کمپیوٹر سے اس وقت متعارف ہوا تھا جن اس کے والد نے اسے اپنا پرانا کمپیوٹر کھیلنے کے لئے دیا تاکہ وہ عصر حاضر کی اس جدید ترین ایجاد کو سمجھ سکے۔ کمپیوٹر سے متعلق ایان کی دلچسپی کو دیکھتے ہوئے عاصم نے اپنے بچے کو زیادہ سے زیادہ معلومات دینی شروع کیں اور آئندہ 2 برس میں ایان مائیکرو سافٹ سرٹیفائیڈ پروفیشنل امتحان میں شرکت کے قابل ہوگیا۔

مائیکرو سافٹ سرٹیفائیڈ پروفیشنل کا امتحان لینے والے ماہرین ایان کی عمر اور امتحان کے حوالے سے کافی تذبذب کا شکار تھے لیکن عاصم نے انہیں اپنے بیٹے کا امتحان لینے پر قائل کرہی لیا اور ایان نے بھی اپنے والد کی توقعات کا بھرم رکھا، اس طرح 5 برس کی عمر میں مائیکرو سافٹ سرٹیفائیڈ پروفیشنل امتحان پاس کر کے دنیا کا کم عمر ترین کمپیوٹر پروفیشنل بن گیا۔ ایان اب 6 برس کا ہو گیا ہے اور اس نے اپنے گھر میں ہی ایک کمپیوٹر نیٹ ورک قائم کررکھا ہے۔ مائیکرو سافٹ سرٹیفائیڈ پروفیشنل کے امتحان سے متعلق ایان کا کہنا ہے کہ امتحان کے دوران اسے سوالات کے مختلف جوابات میں سے ایک منتخب کرنا تھا۔ اس کے علاوہ اس سے ہاٹ اسپاٹ سوالات اور کسی مسئلے کو حل کرنے سے متعلق سوالات بھی کئے گئے تھے، گو کہ یہ سب بہت مشکل تھا لیکن اس میں اسے بہت مزا آیا۔ ننھے ایان کی خواہش ہے کہ وہ برطانیہ میں بھی امریکا کی ''سلیکون ویلی'' کی طرز پر ٹیکنالوجی حب ''ای ٹیکنالوجیز'' قائم کرے گا۔

دنیا کے سب سے کم عمر ترین مائیکرو سافٹ سرٹیفائیڈ کمپویٹر پروفیشنل کا اعزاز حاصل کرنے والے ایان کے والد کی طرح ان کی والدہ بھی پھولے نہیں سما رہیں، کا کہنا تھا کہ ایان کو دیکھ کر وہ بہت خوشی اور فخر محسوس کرتی ہیں اوہ وہ چاہتی ہیں کہ ان کا جگر گوشہ مستقبل میں جو کچھ بھی کرے وہ بہترین ہو۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

پاکستانی نژاد بچے نے دنیا کے کم عمر ترین کمپیوٹر پروفیشنل ہونے کا اعزاز حاصل کرلیا

انٹرٹینمنٹ

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

25 سال بعد اداکاری کا اصل مطلب سمجھ میں آیا، ہریتھک روشن کا انکشاف

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

پاکستانی نژاد بچے نے دنیا کے کم عمر ترین کمپیوٹر پروفیشنل ہونے کا اعزاز حاصل کرلیا

ہمارے ساتھ شامل ہوں

مقبول خبریں

انٹرٹینمنٹ

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

25 سال بعد اداکاری کا اصل مطلب سمجھ میں آیا، ہریتھک روشن کا انکشاف

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین