شاہد کپور نے فلم ’’شاندار‘‘ کی شوٹنگ مکمل کردی

یہ شاہد اور عالیہ کی ایک ساتھ پہلی فلم ہے اور اسے کرن جوہر اور فینٹم فلم نے مشترکہ طور پر پروڈیوس کیا ہے۔فوٹو: فائل

---

اداکار شاہد کپور کو وشال بھردواج کی فلم ''حیدر'' میں بہترین کارکردگی پر ہر جگہ سراہا جا رہا ہے اور اب وہ اپنی اگلی فلم''شاندار'کی شوٹنگ بھی لگ بھگ مکمل کرچکے ہیں۔

اداکار نے ٹوئیٹر پر اپنے پیغام میں کہا کہ فلم لگ بھگ مکمل ہوچکی ہے اور وہ باقی ماندہ شوٹنگ کے لیے پولینڈ کا رخ کر رہے ہیں۔

اس فلم میں عالیہ بھٹ اور ان کے حقیقی والد پنکج کپور بھی شامل ہیں۔یہ شاہد اور عالیہ کی ایک ساتھ پہلی فلم ہے اور اسے کرن جوہر اور فینٹم فلم نے مشترکہ طور پر پروڈیوس کیا ہے۔انڈیا کی پہلی ویڈنگ فلم کہی جانے والی اس فلم کو وکاس بہل نے ڈائریکٹ کیا ہے۔