سرفرازاحمد نے جیت کے لئے اچھی بنیاد رکھی کپتان مصباح الحق

سرفراز احمد اور احمد شہزاد نے اچھی بنیاد رکھی، مصباح الحق۔ فوٹو: فائل

---

قومی کرکٹ ٹیم کے کپتان مصباح الحق کا کہنا ہے کہ جنوبی افریقا کے خلاف اہم میچ میں بولرز نے کمال کردکھایا جب کہ سرفراز احمد نے جیت کے لئے اچھی بنیاد رکھی۔

آکلینڈ میں میچ کے اختتام پر کپتان مصباح الحق کا کہنا تھا کہ سب جانتے ہیں کہ جنوبی افریقا کی ٹیم میں باصلاحیت اور تجربہ کار کھلاڑی موجود ہیں اور وہ اچھا گیم کھیلتی ہے لیکن اسے ہرا کر ٹیم کے حوصلے بلند ہوئے، ہماری جانب سے 30 سے 40 رنز کم کئے گئے لیکن کم اسکور کے باوجود بولرز نے اچھی بولنگ کا مظاہرہ کرتے ہوئے جیت کو یقینی بنایا۔ انہوں نے کہا کہ جنوبی افریقا کے خلاف کامیابی بہت بڑی فتح ہے اور ہمیں ایسی ہی جیت چاہیئے تھی جب کہ میدان میں اترنے کے بعد بولرز کو کہا تھا کہ کامیابی کے لئے جلد از جلد وکٹیں حاصل کرنا ہوں گی اور محمد عرفان، وہاب ریاض اور راحت علی نے پلان کے مطابق بولنگ کرتے ہوئے کردکھایا۔

قومی ٹیم کے کپتان کا کہنا تھا کہ سرفراز احمد اور احمد شہزاد نے اچھی بنیاد رکھی جب کہ سرفراز احمد نے شاندار بیٹنگ کرتے ہوئے اپنے آپ کو ثابت کردکھایا ہے۔