کراچی میں رینجرز آپریشن پر پیپلزپارٹی سمیت دیگر جماعتوں کو بھی خدشات ہیں نثار کھوڑو

خورشید شاہ کے جنگ کرنے کے بیان کا مطلب جدوجہد کرنا ہے، نثار کھوڑو۔ فوٹو: فائل

---

وزیر اطلاعت سندھ نثار کھوڑو کا کہنا ہے کہ کراچی میں رینجرز کے آپریشن پر پیپلزپارٹی سمیت دیگر جماعتوں کو بھی خدشات ہیں۔

لاڑکانہ میں پیپلزپارٹی کے اجلاس کے بعد میڈیا بریفنگ میں نثار کھوڑو کا کہنا تھا کہ رینجرز کے اختیارات منصفانہ طور پر استعمال ہونے چاہئیں کیونکہ ماضی میں پولیس کو بھی سادہ لباس میں کارروائیوں سے گریز کرنےکا حکم دیا جاتا رہا ہے۔ انہوں نے کہا کہ کراچی میں رینجرز کے آپریشن پر پیپلزپارٹی سمیت دیگر جماعتوں کو بھی خدشات ہیں۔ ایک سوال کے جواب میں ان کا کہنا تھا کہ خورشید شاہ کے بیان کو سیاق سباق سے ہٹ کر لیا گیا جب کہ ان کے جنگ کرنے کے بیان کا مطلب جدوجہد کرنا ہے۔