رنبیراور دپیکا کی بڑھتی ہوئی قربت نے رنویر کو بھی پریشان کردیا

رنویر سنگھ فلم ’’تماشا‘‘ کی پرموشن میں دپیکا کا ساتھ دیں گے، فوٹو: فائل

---

بالی ووڈ کے شوخ و چنچل اداکار رنویر سنگھ اپنی محبوبہ دپیکا پڈوکون اور رنبیر کپور کی بڑھتی ہوئی قربت پر پریشانی کا شکار ہیں جس کے بعد انہوں نے فلم ''تماشا'' کی پروموشن تقریب میں دپیکا کو رنبیر کے ساتھ اکیلے نہ چھوڑنے کا فیصلہ کیا ہے۔

بالی ووڈ اداکارہ دپیکا پڈوکون اور چاکلیٹی ہیرو رنبیر کپور کے معاشقے کی خبریں طویل عرصے تک زبان زدعام ہوئیں تھیں جس کے بعد ان دونوں میں علیحدگی ہوگئی تھی جس کے بعد دونوں اداکار فلمساز امتیاز علی کی فلم ''تماشا'' میں مرکزی کردار ادا کریں گے جب کہ دونوں اداکاروں کی نئی آنے والی فلم میں کیمسٹری نے کترینہ کیف کو پریشان کردیا تھا تاہم اب بالی ووڈ کے ایک اور اداکار رنویر سنگھ بھی دپیکا اور رنبیر کی بڑھتی ہوئی سے پریشان ہیں جس کے بعد اب وہ فلم ''تماشا'' کی پرموشن میں دپیکا کا ساتھ دیں گے۔

میڈیا رپورٹس کے مطابق فلم ''تماشا''' کے اداکاروں رنبیر اور دپیکا کی بڑھتی ہوئی قربت سے کترینہ کیف ہی نہیں دپیکا پڈوکون کے محبوب رنویر سنگھ بھی شدید پریشانی کا شکار ہیں جس کے بعد انہوں نے فلم کی پروموشن میں دپیکا کو رنبیر کے ساتھ اکیلے نہ چھوڑنے کا فیصلہ کیا بلکہ گزشتہ روز فلم''تماشا'' کی پروموشن تقریب میں رنویر سنگھ دپیکا کے ساتھ نظر آئے اور فلم کی پروموشن میں حصہ بھی لیا۔

واضح رہے کہ امتیاز علی کی فلم''تماشا'' میں اداکار رنبیر کپور اور دپیکا پڈوکون مرکزی کردار اداکریں گے۔