آئی فون ماہر کے مطابق ان کے اس عمل سے آئی فون کی رفتار غیر معمولی طور پر تیز ہوئی، فوٹو: فائل
آئی فون کے ایک ماہرصارف کے مطابق اس کے زیادہ استعمال سے اس کی میموری بھر جاتی ہے جو اس کی رفتار سست کردیتی ہے لیکن ذرا سی کوشش سے اس سے نجات حاصل کی جا سکتی ہے۔ اس کے لیے سب سے پہلے اپنے آئی فون کو ان لاک کریں تو اس پر ہوم اسکرین سامنے آجائے گی اسکرین کے خالی حصے پر کچھ دیر تک انگلی رکھیں یہاں تک کہ پاوور آف کا آپشن نمودار ہوجائے اب اپنی انگلی کو ہٹا لیں اور ہوم اسکرین کے بٹن پر 5 سیکنڈ تک انگلی جمائے رکھیں اور پھر اسے ہٹا لیں اس عمل سے حیرت انگیز طور پر آئی فون کی رفتار تیز ہو جائے گی۔
آئی فون ماہر کا کہنا ہے کہ اس عمل سے موبائل فون کی ریم ریفریش ہوجاتی ہے جو آپ کے فون کے عمل کو سست بنانے والی ورکنگ میموری کو کلیئر کر کے اسے دوبارہ تیز رفتار بنا دیتی ہے۔ آئی فون ماہر کا دعویٰ ہےکہ انہوں نے اس عمل کے کئی تجربے کیے اور اور انہیں ہر بار کامیابی ملی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔