سول انتظامیہ کے احکامات کے بعد تمام اسپتالوں کے دل سے وارڈ سے ٹی وی اتار لئے گئے ہیں،فوٹو:ایکسپریس نیوز
گجرانوالہ میں سول انتظامیہ نے تمام اسپتالوں کو ہدایت جاری کی ہیں کہ دل کے وارڈ کے مریضوں کے کمرے سے تمام ٹی وی فوری طور پر اتار لئے جائیں کیونکہ پاک بھارت میچ کو عوام دلچسپی سے زیادہ جذبات سے دیکھتے ہیں جو دل کے مریضوں کے لئے خطرناک ثابت ہوسکتا ہے۔ سول انتظامیہ کے احکامات کے بعد تمام اسپتالوں کے دل سے وارڈ سے ٹی وی اتار لئے گئے ہیں۔ پاک بھارت میچ کے بعد تمام اسپتالوں میں ٹی وی دوبارہ نصب کر دیئے جائیں گے۔
واضح رہے کہ ٹی ٹوئنٹی ورلڈ کپ کے دوران پاکستان اور بھارت کے درمیان اہم ٹاکرا آج شام 7 بجے کولکتہ کے ایڈن گارڈن میں ہوگا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔