سعودی عرب بھی سی پیک میں شمولیت کاخواہشمند

اقتصادی راہداری کو بحیرہ احمر اور افریقہ تک پھیلایا جا سکے گا،سعودی وزیرمنصوبہ بندی فوٹو : فائل

---

لاہور: وفاقی وزیر منصوبہ بندی، ترقی و اصلاحات احسن اقبال نے سعودی عرب کے وزیر اقتصادی منصوبہ بندی انجینئر عادل الفقہیہ سے ریاض میں ملاقات کی جس میں دونوں ممالک کے درمیان اقتصادی تعاون پر تبادلہ خیال کیا گیا۔

سعودی وزیر نے چائنا پاکستان اقتصادی راہداری (سی پیک) منصوبے میں کام کرنے کی خواہش کا اظہار کیا تاکہ اس راہداری کو بحیرہ احمر اور افریقہ تک پھیلایا جا سکے۔ احسن اقبال نے سعودی وزیر کو حالیہ برسوں میں پاکستان کی اقتصادی ترقی، سی پیک اور وژن2025کے بارے میں آگاہ کیا۔ دونوں رہنماؤں نے اقتصادی منصوبہ بندی کے شعبوں میں اشتراک کے بارے میں بھی تبادلہ خیال کیا۔