جونیئر ہاکیجرمنی کیخلاف03 سے شکست کے بعدپاکستان فائنل کی دوڑ سے باہر

قومی ٹیم اب اتوار کو برانز میڈل کے لیے آسٹریلیا کا سامنا کرے گی، فوٹو : اے ایف پی

---

جرمنی کے ہاتھوں 0-3 سے شکست کے بعد پاکستان سلطان جوہر بارو کپ کے فائنل کی دوڑ سے باہرہوگیا۔

ٹیم اب اتوار کو برانز میڈل کے لیے آسٹریلیا کا سامنا کرے گی، جرمن سائیڈ کا فیصلہ کن معرکے میں بھارت سے مقابلہ ہوگا، لیگ کے آخری مقابلہ میں جرمن پلیئرز نے پاکستان کوآئوٹ کلاس کردیا، جرمنی اور آسٹریلیا کے پوائنٹس یکساں طور پر 9،9 ہوئے تاہم بہتر گول اوسط کی بنیاد پر جرمن ٹیم نے فائنل میں جگہ بنالی،آسٹریلیا نے اپنے آخری مقابلے میں نیوزی لینڈ کو 5-1 سے شکست دی، نیوزی لینڈکو میزبان اور دفاعی چیمپئن ملائیشیا سے ٹکرانا پڑیگا، ملائیشیا نے پہلے ہی فائنل میں نشست محفوظ کرانے والے بھارت کیخلاف اپنا آخری میچ 3-3 سے ڈرا کرلیا۔