کراچیبس کا گیس سیلنڈر پھٹنے سے 2 افراد جاں بحق 4 افراد زخمی 

دھماکے سے سی این جی اسٹیشن اور گاڑیوں کو بھی نقصان پہنچا۔ فوٹو : ایکسپریس 

---

ابوالحسن اصفہانی روڈ پر مسافر بس کا گیس سیلنڈر پھٹنے سے 2 افراد جاں بحق جبکہ 4 زخمی ہوگئے۔

ایکسپریس نیوز کے مطابق ابوالحسن اصفہانی روڈ پر واقع ایک سی این جی اسٹیشن پر کھڑی ایک مسافر بس کا گیس سیلنڈر دھماکے سے پھٹ گیا۔ جس کے نتیجے میں 2 افراد بحق جبکہ 4 زخمی ہوگئے۔ زخمیوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے۔ طبی عملے کے مطابق زخمیوں میں سے 2 کی حالت اب بھی تشویشناک ہے۔

دھماکے سے سی این جی اسٹیشن پر موجود دو بسیں اور ایک رکشہ مکمل طور پر تباہ ہوگئے جبکہ کئی گاڑیوں کو بھی نقصان پہنچا۔