مکی آرتھر کے پاکستان پہنچنے کے بعد دورہ انگلینڈ کے لئے کھلاڑیوں کے ناموں کا اعلان کیا جائے گا۔ فوٹو:فائل
ایکسپریس نیوز کے مطابق جنوبی افریقا سے تعلق رکھنے والے قومی ٹیم کے ہیڈ کوچ مکی آرتھر نے آسٹریلوی شہریت کے لئے اپلائی کیا تھا اور ان کا پاسپورٹ آسٹریلین ایمبیسی میں جمع تھا تاہم انہیں آسٹریلوی شہریت مل گئی جب کہ انہیں پاکستان کا ویزہ بھی مل چکا ہے جس کے بعد 6 جون کو ان کی پاکستان آمد متوقع ہے۔
مکی آرتھر پاکستان پہنچ کر قومی ٹیم کے کیمپ کو جوائن کریں گے اوراسی روز دورہ انگلینڈ کے لئے حتمی کھلاڑیوں کے ناموں کا اعلان کیا جائے گا جب کہ محمد حفیظ کی انجری میں بہتری کے بعد انہیں ٹیم میں شامل کیا جاسکتا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔