کرس گیل کی منفرد اندازمیں اپنے مسلم مداحوں کو عید کی مبارک باد

کرس گیل نے اپنے مداحوں کو عید کی مبارک باد دیتے ہوئے نیک خواہشات کااظہار بھی کیا

ویب ڈیسک July 07, 2016

کرس گیل نے اپنے مداحوں کو عید کی مبارک باد دیتے ہوئے نیک خواہشات کااظہار بھی کیا،فوٹو:انسٹا گرام

ویسٹ انڈیز کے مایہ ناز بلے بازکرکٹ کے میدان میں جہاں اپنے چاہنے والوں کا دل جیتنے میں مہارت رکھتے ہیں وہیں سوشل میڈیا پر بھی اپنے فینز کو حیران کرتے رہتے ہیں اور اس مرتبہ عید کے موقع پر انہوں نے اپنے مسلمان مداحوں کو منفرد انداز میں عید کی مبارک باد پیش کی ہے۔

کرس گیل کی جانب سے سوشل میڈیا سائٹ انسٹا گرام پرایک تصویر پوسٹ کی گئی ہے جس میں کرس گیل روایتی عربی جبہ زیب تن کیئے ہوئے ہیں جب کہ انہوں نے سر پرروایتی پگڑی بھی باندھ رکھی ہے اوراسٹار بلے باز صوفے پر براجمان اپنے اسمارٹ فون میں محو نظر آرہے ہیں۔تصویر کے ساتھ کرس گیل نے اپنے مداحوں کو عید کی مبارک باد دیتے ہوئے نیک خواہشات کا اظہار کیا ہے جب کہ گیل نے اپنے پیغام کو ٹوئٹر پر بھی شیئر کیا ہے۔