شاہد کپورنے فلم پدماوتی میں کردار حاصل کرنے کے لئے ہاتھ پاؤں چلانا شروع کردیئے

شاہد کپورکی ملاقات کے بعد ہدایت کار سنجے لیلا بھنسالی نے انہیں کاسٹ کرنے پر سوچ بچار شروع کردیا۔ فوٹو:فائل

---

KARACHI: چنچل اداکار شاہد کپور نے نئی آنے والی فلم پدماوتی میں کردار حاصل کرنے کے لئے ہاتھ پاؤں چلا شروع کردیے اور اس کے لئے انہوں نے فلم کے ہدایت کار سے رابطے بڑھا لئے۔

بھارتی میڈیا کے مطابق ادکار شاہد کپور نے ہدایت کار سنجے لیلا بھنسالی سے ملاقات کی اور نئے آنے والی ڈرامہ فلم پدماوتی میں کردار حاصل کرنے کے لئے بات کی جب کہ ہدایت کار نے انہیں فلم کا حصہ بنانے کے لئے سوچ بچار شروع کردی تاہم انہیں کاسٹ کا حصہ بنانے سے فلم میں مرکزی کردار ادا کرنے والے رنویر سنگھ کے کردار پر کوئی فرق نہیں پڑھے گا۔

ڈرامہ فلم پدماوتی میں رنویر سنگھ علاؤ الدین خلجی کا کردار ادا کریں گے اور امید ظاہر کی جارہی ہے کہ شاہد کپور کو بھی فلم کا حصہ بنایا جائے گا جس کے بعد دپیکا پڈوکون، رنویر سنگھ اور شاہد کپور اداکاری کا تڑکا لگائیں گے۔ رنویر سنگھ اور دپیکا پڈوکون اس سے قبل سنجے لیلا بھنسالی کی فلم باجی راؤ مستانی میں بھی کردار ادا کرچکے ہیں تاہم شاہد کپور پہلی مرتبہ ان کی کسی فلم کا حصہ بنیں گے۔