قومی ٹیسٹ کرکٹ ٹیم دنیا کی نمبر ون ٹیم بن گئی

پاکستان کو نمبر ون ٹیسٹ ٹیم بننے پر مبارکباد پیش کرتا ہوں، چیف ایگزیکٹو آئی سی سیفوٹو،کرک انفو

---

ISLAMABAD: پاکستان نے ٹیسٹ رینکنگ میں بھارت کو پیچھے چھوڑتے ہوئے ٹیسٹ رینکنگ میں پہلی پوزیشن حاصل کرلی ہے۔

پاکستان کرکٹ ٹیم نے بھارت سے ٹیسٹ رینکنگ میں پہلی پوزیشن چھین لی ہے اورقومی ٹیم 111 پوائنٹس کے ساتھ ٹیسٹ رینکنگ میں ٹاپ پوزیشن پر براجمان ہوگئی ہے۔ آئی سی سی ٹیسٹ رینکنگ کے مطابق بھارت اور ویسٹ انڈیز کے درمیان چوتھا ٹیسٹ میچ ڈرا ہونے کے بعد بھارتی ٹیم ایک درجہ تنزلی کے بعد دوسرے نمبر پر آگئی ہے جس کے بعد دوسری پوزیشن پر موجود قومی کرکٹ ٹیم نے پہلی پوزیشن پر قبضہ جمالیا ہے۔

دوسری جانب آئی سی سی کے چیف ایگزیکٹو ڈیوڈ رچرڈسن نے پاکستان کو نمبر ون ٹیسٹ ٹیم بننے پر مبارکباد پیش کی ہے۔