فہد ملک قتل کیس کا مرکزی ملزم راجہ ارشد طور خم بارڈر سے گرفتار

سابق چئیرمین سینٹ محمد میاں سومرو کے بھانجے فہد ملک کو 15 اگست کو اسلام آباد میں فائرنگ کرکے ہلاک کیا گیا تھا : فوٹو : فائل

---

سابق چیئرمین سینیٹ میاں محمد سومرو کے بھانجے بیرسٹر فہد ملک کے قتل میں ملوث مرکزی ملزم راجا ارشد کو بیرون ملک فرار ہوتے ہوئے طور خم بارڈر سے گرفتار کر لیا گیا۔

ایکسپریس نیوز کے مطابق سابق چیئرمین سینٹ میاں محمد سومرو کے بھانجے بیرسٹر فہد ملک کے قتل میں ملوث اہم ملزم راجہ ارشد کی بیرون ملک فرار کی کوشش سیکیورٹی اداروں نے ناکام بناتے ہوئے اسے پاک افغان سرحد طورخم سے گرفتار کرلیا۔ ملزم نے ابتدائی تفتیش میں انکشاف کیا کہ پاسپورٹ منسوخ ہونے اور ای سی ایل میں نام درج ہونے کی وجہ سے غیرقانونی طریقے سے یورپ جانے کی کوشش کررہا تھا۔

اس خبرکوبھی پڑھیں: فہد ملک قتل کیس میں نامزد ملزم نعمان کھوکھر کمرہ عدالت سے گرفتار

گرفتار ملزم نے بتایا کہ طورخم بارڈر سے پہلے چمن کے راستے بیرون ملک فرار ہونے کا ارادہ تھا تاہم باب دوستی پر کئی روز سے جاری کشیدگی کے باعث نہیں جاسکا اوراب طورخم سرحد پار کرنے کی کوشش میں گرفتارہو گیا۔ ملزم راجا ارشد کو آج اسلام آباد منتقل کردیا جائے گا۔