ڈی سی او نے واقعے کی تحقیقات کیلیے اے ڈی سی کی سربراہی میں کمیٹی تشکیل دے دی ہے۔ فوٹو : فائل
گوجرانوالہ کے جناح اسٹیڈیم میں مقامی کلبوں کے درمیان کرکٹ میچ دیکھنے کے لیے گل روڈ کا رہائشی 6 سالہ سلمان اپنے والد اور بہن بھائیوں کے ہمراہ آیا ، میچ ختم ہونے کے بعد آپریٹر نے رولر کو وکٹ پر چلانے کے لیے مین سوئچ آن کیا تو رولر کے آگے بیٹھا سلمان کچلا گیا ، وہاں موجود کھلاڑی جمع ہو گئے اور رولر آپریٹر عبدالحمید اسٹیڈیم سے فرار ہوگیا جسے بعد ازاں پولیس نے گرفتار کرکے مقدمہ درج کرلیا۔
پولیس نے اسٹیڈیم کے چوکیدار طالب حسین کو بھی حراست میں لے لیا۔ متوفی سلمان 4 بہن بھائیوں میں سب سے چھوٹا تھا، اطلاع ملتے ہیں بچے کے رشتے دار جناح اسٹیڈیم پہنچ گئے، اس موقع پر بچے کا والد صلاح الدین دہاڑیں مار کر روتا رہا۔اے سی سٹی میاں عتیق الرحمن کا کہنا تھا کہ جو بھی حادثے کا ذمے دار ہو گا اس کے خلاف قانو ن کے مطابق کارروائی ہو گی، ڈی سی او نے واقعے کی تحقیقات کیلیے اے ڈی سی کی سربراہی میں کمیٹی تشکیل دے دی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔