نوازشریف کے آستین کے سانپ اپنی ہی جماعت کیخلاف کام کررہے ہیں مولابخش چانڈیو

وزیراعظم کی کابینہ کے ارکان چھوٹے صوبوں کے درمیان اختلاف کی فضا قائم کررہے ہیں، مولا بخش چانڈیو : فوٹو : فائل

---

WASHINGTON: مشیر اطلاعات سندھ مولابخش چانڈیو کا کہنا ہے کہ وفاقی وزرا اپنے بیانات سے چھوٹے صوبوں میں احساس محرومی پیدا کررہے ہیں۔

کراچی میں میڈیا سے بات کرتے ہوئے صوبائی مشیر اطلاعات مولابخش چانڈیو کا کہنا تھا کہ میں نے کبھی ایسا بیان نہیں دیا کہ حکمران جماعت پاکستان کے لئے سیکیورٹی رسک بن چکی ہے میرا کہنا تھا کہ مسلم لیگ (ن) کے چند وزرا وفاق کی وحدت کے لئیے خطرہ بنتے جارہے ہیں۔

اس خبرکو بھی پڑھیں: (ن) لیگ کا کوئی رہنما بچ نہیں پائے گا، مولابخش چانڈیو

مولابخش چانڈیو کا کہنا تھا کہ میں ہمیشہ کہتا ہوں کہ نوازشریف آستین کے سانپوں کو پہچاننے کی کوشش کریں، ان کے اپنے ہی وزار آستین کے سانپ ہیں اور ان کی جماعت کے خلاف کام کررہے ہیں، وزیراعظم کی کابینہ کے ارکان ہی چھوٹے صوبوں کے درمیان اختلاف کی فضا قائم کررہے ہیں۔ ان کا کہنا تھا کہ بہترین وفاقی حکومت وہ ہوتی ہے جو ہمیشہ چھوٹے صوبوں کا خیال رکھے جب کہ حکومتی وزرا کو بھی وفاقی سوچ اپنانے کی کوشش کرنی چاہئے۔