48 سالہ الیاس بابر کو ایک ماہ پہلے ہی ہوٹل میں ملازمت ملی تھی۔ اسکرین گریب/ ایکسپریس نیوز
کراچی کے ریجنٹ پلازہ ہوٹل میں لگی آگ انسانی جانیں نگل رہی تھی مگرہوٹل کے ڈیوٹی مینبجرالیاس بابر اپنی جان کی پراوہ کیے بغیر دوسروں کوبچاتے رہے اور اسی کوشش میں اپنی جان دے دی۔
اس خبر کو بھی پڑھیں؛ کراچی کے ہوٹل میں آگ لگنے سے 3 خواتین سمیت 12 افراد جاں بحق
گلشن 13-D کے رہائشی 48 سالہ الیاس بابر کو ایک ماہ پہلے ہی ہوٹل میں ملازمت ملی تھی جب کہ ان کے اہل خانہ کا کہنا ہے کہ ہوٹل سے باہر نکلنے کے تمام راستے معلوم ہونے کے باوجود الیاس بابر نہ نکلے اور دوسروں کی زندگیاں بچانے کے لیے اپنی جان دے دی۔ مرحوم نے سوگواروں میں بیوہ، 11 سالہ بیٹی لائبہ اور 14 سالہ بیٹے بلال کو چھوڑا ہے ۔ 2 ماہ قبل ہی الیاس بابر کے بڑے بھائی کا انتقال ہوا تھا اور اب الیاس بابر کی موت نے گھروالوں پر غم کا پہاڑ توڑ ڈالا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔