مشرف کی باتوں سے ثابت ہوتا ہے کہ ملک میں طاقتور کچھ بھی کر سکتا ہے عمران خان

مشتاق رئیسانی نے 40 ارب کی کرپشن کی اور 2 ارب میں نیب سے پلی گارگین کر لیا، عمران خان. فوٹو: فائل

---

پاکستان تحریک انصاف کے چیرمین عمران خان نے سابق صدر جنرل ریٹائرڈ پرویز مشرف کی جانب سے جنرل راحیل شریف کی مدد کے دعوے پر کہا ہے کہ سابق صدر کا بیان ظاہر کرتا ہے کہ طاقتور من مانے طریقے سے قانون کی خلاف ورزی کر سکتا ہے۔

سوشل میڈیا پر اپنی ٹویٹ میں عمران خان کا کہنا تھا کہ سابق سیکرٹری خزانہ بلوچستان مشتاق رئیسانی کی جانب سے اپنی 40 ارب کی کرپشن کو 2 ارب روپے میں پلی بارگین کے ذریعے کلیئر کرانا ظاہر کرتا ہے کہ نیب ملک میں کرپشن اور جرائم کو فروغ دے رہا ہے۔

Mushtaq Raisani's plea bargain with NAB to "clear" his Rs 40bn corruption by paying Rs 2bn shows NAB promoting corruption & making crime pay

— Imran Khan (@ImranKhanPTI) December 22, 2016

سابق صدر پرویز مشرف کی جانب سے ان کا نام ای سی ایل سے نکلوانے کے لئے حال ہی میں اپنے عہدے سے سبکدوش ہونے والے آرمی چیف جنرل راحیل شریف کی جانب سے عدالتوں پر دباؤ ڈالنے کے دعوے پر عمران خان کا کہنا تھا کہ پرویز مشرف کا بیان اس بات کو تقویت دیتا ہے کہ طاقتور اپنے اثر ورسوخ کی بنیاد پر قانون کی خلاف ورزی کر سکتا ہے۔

اس خبر کو بھی پڑھیں: جنرل راحیل نے میری مدد کی، پرویز مشرف

Musharraf's claim that Gen Sharif pressured judiciary to remove him from ECL deepens perception that powerful can violate laws with impunity

— Imran Khan (@ImranKhanPTI) December 22, 2016