طاہرالقادری کینیڈین شہری ہیں انہیں پاکسان میں لانگ مارچ کرنے سے روکا جائے،درخواست گزار، فوٹو: فائل
اسلام آباد ہائیکورٹ نے طاہرالقادری کے لانگ مارچ کو روکنے کے لئے دائر کی گئی درخواست مستردکردی۔
درخواست گزار شاہد اورکزئی نے عدالت میں دائر کی گئی درخواست میں مؤقف اختیار کیا تھا کہ طاہرالقادری کینیڈا کی شہریت رکھتے ہیں اس لیے وہ پاکستانی شہری نہیں رہے، طاہرالقادری نے پاکستان میں نظام بدلنے کے لئے لانگ مارچ کرنے کا اعلان کررکھا ہے اوروہ غیرملکی شہری ہونے کی حیثیت سے ایسا کوئی اقدام نہیں کرسکتے۔
اسلام آباد ہائی کورٹ کے چیف جسٹس اقبال حمید الرحمان نے کیس کی سماعت کے دوران ریمارکس دیئے کہ پوری دنیا میں احتجاج ہوتے ہیں تو ہم یہ احتجاج کیسے روک سکتے ہیں، لانگ مارچ کرنا ہر کسی کا بنیادی حق ہے، اس کا مطلب الگ پارلیمنٹ قائم کرنا نہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔