- سیئول میں تیز رفتار کار ہجوم پر چڑھ دوڑی، 9 افراد ہلاک
- اسرائیل نے فلسطینیوں کو جنوبی غزہ خالی کرنے کا حکم دے دیا
- نائب ترجمان امریکی محکمہ خارجہ کا پاکستان سے متعلق قرارداد پر ردعمل سامنے آ گیا
- طوفان میں پھنسی بھارتی ٹیم کو پرائیویٹ جہاز سے وطن بھیجنے کی کوشش
- پارتھیو پٹیل نے بابراعظم کو خود غرض کرکٹر قرار دے دیا
- پولاک نے فائنل میں سوریا کمار کے کیچ کو درست قرار دے دیا
- پی سی بی کی این او سی پالیسی مزید سخت ہوگئی
- چیمپئینز ٹرافی میں شرکت، سرحد پار سے مثبت اشارے ملنے لگے
- ورلڈ کپ آئی سی سی کے لیے سونے کی چڑیا
- وسیم اکرم کے مذاق اڑانے کا انضمام بُرا مان گئے
- شاہد آفریدی نے بابراعظم کی قائدانہ صلاحیتوں پر سوال اٹھا دیے
- بابراعظم کینیڈین لیگ میں محمد رضوان کی زیر قیادت کھیلیں گے
- سوات میں سوتیلی ماں کا 9 سالہ بچے پر بدترین تشدد، ملزمہ اور شوہر گرفتار
- چوری شدہ مینڈیٹ واپس ملنے تک کسی سے بات نہیں ہوگی، قیصرہ الہیٰ
- گیس کی نئی قیمتوں کا نوٹیفکیشن جاری، گھریلو صارفین ریلیف سے محروم
- چنئی ٹیسٹ: بھارتی ویمنز نے جنوبی افریقی ویمنز کو 37 رنز سے شکست دے دی
- گذشتہ مالی سال مہنگائی ہدف سے زیادہ رہی، ادارہ شماریات
- سعودی عرب میں تیل اور گیس کے سات بڑے ذخائر دریافت
- سیکیورٹی فورسز کی خیبرپختونخوا میں دو کارروائیاں، 9 دہشت گرد ہلاک
- ماڑی پیٹرولیم کا سندھ میں گیس کے نئے ذخائر کی دریافت کا اعلان
لودھراں میں 2 ملزمان کی نرس سے مبینہ اجتماعی زیادتی، خاتون دوست نے ویڈیو بنائی
ملتان کے علاقے لودھراں میں مبینہ طور پر دو ملزمان نے خاتون دوست کے ساتھ مل کر نرس کو اجتماعی زیادتی کا نشانہ بناکر ویڈیوز انٹرنیٹ پر اپ لوڈ کردیں۔
لودھراں سے تعلق رکھنے والی نرس نے بتایا کہ وہ اپنی ساتھی نرس سنیہ کے ساتھ لاری اڈہ میں قائم ہاسٹل میں رہائش پذیر ہے، جس نے مبینہ طور پر 6 اپریل کو فیضان اور فیصل نامی ملزم کے ساتھ مل کر اُسے مبینہ زیادتی کا نشانہ بنوایا اور ویڈیوز بنا کر بلیک میلنگ کے بعد انہیں انٹرنیٹ پر اپ لوڈ کردیا۔
متاثرہ نرس کے مطابق سنیہ نے 6 اپریل کو بتایا کہ اسپتال سے ایمرجنسی کال آئی ہے تو میرے ساتھ چلو اور اُس نے رینٹ اے کار سے گاڑی منگوائی جو فیضان نامی لڑکا چلا رہا تھا، پھر دونوں مجھے اسپتال کے بجائے کسی گھر میں لے گئے اور وہاں پر ایک اور لڑکا فیصل بھی آیا۔
متاثرہ کے مطابق ملزم فیضان اور فیصل نے میرے ساتھ باری باری اجتماعی زیادتی کی جبکہ سنیہ نازیبا ویڈیو اور تصاویر بناتی رہی اور پھر جب میں نے واقعے کا کسی سے ذکر کیا تو ان ویڈیوز کو انٹرنیٹ پر اپ لوڈ کر کے قتل کی دھمکیاں دیں۔
متاثرہ خاتون نے دعویٰ کیا ہے کہ ملزمان کے بااثر ہونے کی وجہ سے پولیس نے مقدمے میں صرف اغوا کی دفع شامل کی جبکہ تفتیشی افسر نے دھمکیاں دیں اور میڈیکل تک نہیں کروایا جبکہ ملزمان کو تاحال گرفتار نہیں کیا گیا۔
خاتون نے اعلیٰ حکام سے انصاف کا مطالبہ کرتے ہوئے کہا ہے کہ میرے ساتھ ہونے والے واقعے میں ملوث ملزمان اور سنیہ کو قانون کے مطابق سخت سزا دی جائے۔
اُدھر ایس ایچ او ظفر گرواں نے الزامات پر ردعمل دیتے ہوئے کہا کہ متاثرہ خاتون خود میڈیکل نہیں کروانا چاہتی،میڈیکل کروائے گی تو زیادتی بھی شامل کی جائے گی۔ انہوں نے ملزمان کی تاحال گرفتاری نہ ہونے کی تصدیق کرتے ہوئے کہا کہ ہم نے ملزمان کو تلاش کرنے کی کوشش کی وہ مل نہیں رہے، جیسے ہی ملیں گے تو انہیں گرفتار کرلیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔