- دباؤ نہیں ڈالیں، میری دو پسلیاں ٹوٹی ہوئی ہیں؛ سلمان کی فوٹوگرافرز سے درخواست
- 8 ستمبر کا جلسہ ضرور ہوگا، یہ تمھارے باپ کا ملک نہیں، وزیراعلیٰ گنڈا پور
- سوشل میڈیا پرویڈیوزاپ لوڈ کرنے پر کراچی پولیس کے مزید 12 اہلکار معطل
- نیب کی گلیات ڈیولپمنٹ اتھارٹی سے ایک ارب 10 کروڑ کی بالواسطہ ریکوری
- وزیراعلیٰ خیبرپختونخوا کی مداخلت پر پی ٹی آئی کے اسلام آباد جلسے کا مقام تبدیل
- کراچی میٹروپولیٹن یونیورسٹی کی سنڈیکیٹ کیلئے فہرست وزیر اعلی کو ارسال
- سندھ میں 36 خواتین کالج ٹیچرز کا 10 سال سے غیر حاضر ہونے کا انکشاف
- وزیراعلیٰ کے پی کے نام پر نوکری کا جھانسہ دے کر پیسے بٹورنے والا فراڈیہ گرفتار
- جانوروں میں متعدد نئے مہلک وائرسز کی موجودگی کا انکشاف
- دوسرا ٹی ٹوئنٹی: آسٹریلیا نے اسکاٹ لینڈ کو شکست دے کر سریز جیت لی
- فتنہ الخوارج کے خاتمے تک پاک فوج اور سیکیورٹی ادارے آپریشن جاری رکھیں گے، وزیراعظم
- نیپرا نے سہ ماہی اور فیول پرائس ایڈجسٹمنٹ کی مد میں بجلی مہنگی کردی
- واٹس ایپ نے نئے اسٹیٹس فیچر کی آزمائش شروع کر دی
- 16دن رہ گئے، معاہدے پرعمل نہ ہوا تو حالات کی ذمے دار حکومت ہو گی، حافظ نعیم الرحمٰن
- دنیا کی سب سے مہین گھڑی تیار
- بھارتی جیلوں سے 14 پاکستانی رہا ہو کر وطن پہنچ گئے
- جگر کے عارضے میں مبتلا آئرش آل راؤنڈر سمی سنگھ کی حالت تشویش ناک
- آئندہ ہفتےاہم قانون سازی متوقع، پیپلزپارٹی کی بھی اراکین پارلیمان کواسلام آباد پہنچنے کی ہدایت
- نوجوان قیمتی اثاثہ ہیں، سیاسی اختلافات کو نفرتوں میں نہ ڈھلنے دیں، آرمی چیف
- مقبوضہ کشمیر کے منصفانہ حل تک 6 ستمبر ہوتا رہے گا، وفاقی وزیر
انتخابی عذرداری کیس؛ قاسم سوری کی جائیدادوں کی تفصیلات طلب
![(فوٹو: قومی اسمبلی)](https://c.express.pk/2024/07/2664639-qasimsuri-1720507103-393-640x480.jpg)
(فوٹو: قومی اسمبلی)
اسلام آباد: انتخابی عذرداری کیس میں سپریم کورٹ نے سابق ڈپٹی اسپیکر قاسم سوری کی جائیدادوں کی تفصیلات طلب کرلی۔
سپریم کورٹ نے وفاقی و بلوچستان حکومت کو قاسم سوری کی جائیداد رپورٹ کے معاملے پر نوٹس جاری کرتے ہوئے ایف آئی اے سے رپورٹ طلب کرلی۔
عدالتی حکم نامے کے مطابق وفاقی حکومت اور ایف آئی اے بتائے قاسم سوری کہاں پر ہے، بلوچستان حکومت قاسم سوری کی جائیدادوں کی رپورٹ پیش کرے کیونکہ قاسم سوری عدالتی حکم باوجود پھر پیش نہیں ہوئے۔
قبل ازیں، چیف جسٹس قاضی فائز عیسیٰ کی سربراہی میں چار رکنی لارجر بینچ نے کیس کی سماعت کی۔
دوران سماعت، وکیل نعیم بخاری نے کہا کہ قاسم سوری کے ساتھ میرا کوئی رابطہ نہیں۔ چیف جسٹس نے ریمارکس دیے کہ قاسم سوری سپریم کورٹ سے حکم امتناع لیکر بیٹھ گئے، کیا حکم امتناع کے بعد کیس نہیں چلے گا، قاسم سوری نے حکم امتناع پر غیر آئینی اقدام کیا اور ایک قرارداد کو جواز بنا کر عدم اعتماد کی تحریک کو مسترد کر دیا۔
قاسم سوری کے وکیل نعیم بخاری نے معاملہ پر از خود نوٹس لینے کی استدعا کی۔ وکیل نعیم بخاری نے کہا کہ عدالت قاسم سوری کی اپیل مسترد کرکے عدم حاضری کا از خود نوٹس لے، مجھے عدالت سے جانے کا حکم دیا جائے۔
چیف جسٹس نے نعیم بخاری سے مکالمہ کرتے ہوئے کہا کہ آپ کو عدالت سے جانے کا کیوں کہہ دیں، اتنی خوبصورت شخصیت کو جانے کا کیسے کہہ دے۔ وکیل نعیم بخاری نے کہا کہ مجھے پتہ ہوتا تو میں تو میک اَپ کرکے آتا، چیف جسٹس نے ریمارکس میں کہا کہ آپ کی ایک بات مجھے پسند ہے آپ ہر وقت مسکراتے رہتے ہیں۔
چیف جسٹس نے کہا کہ قاسم سوری کی پھر جائیداد کی تفصیلات منگوا لیتے ہیں، جس پر وکیل نعیم بخاری نے کہا کہ پراپرٹی کی تفصیلات منگوانے پر تو مردہ بھی قبر سے پیش ہو جاتا ہے۔
جسٹس مسرت ہلالی نے سوال کیا کہ قاسم سوری عدالت سے کیوں بھاگ رہے ہیں، جس پر وکیل نعیم بخاری نے جواب دیا کہ مجھے کیا پتہ میرا تو قاسم سوری سے کوئی رابطہ نہیں۔ جسٹس مسرت ہلالی نے کہا کہ آپ اپنے موکل کو پیغام تو چھوڑ سکتے ہیں۔
چیف جسٹس نے ریمارکس دیے کہ قاسم سوری کی قومی اسمبلی معیاد کی مدت پوری ہوگئی، مدت پوری ہوگئی لیکن سپریم کورٹ سے کیس کا فیصلہ نہیں ہوا۔
عدالت نے وفاقی اور صوبائی حکومت کو نوٹس کرکے سماعت غیر معینہ مدت تک ملتوی کر دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔