- گلستان جوہر میں کرنٹ لگنے سے ایک شخص جاں بحق
- نائیجیریا میں آئل ٹینکر کے دھماکے میں 48 افراد جاں بحق
- کراچی؛ شہری کو لوٹنے والے دو ڈاکو عوام کے تشدد سے ہلاک
- اے ایس ایف کی اسلام آباد ایئرپورٹ پر کارروائی، 830 گرام آئس برآمد
- عدالتی چھٹیاں ختم، سپریم کورٹ میں آج صبح نئے عدالتی سال کی تقریب منعقد ہوگی
- ’یہ ہے 9 مئی کے مجرموں کی اصلیت’، مریم اورنگزیب کا گنڈاپور کی تقریر پر ردعمل
- ایرانی صدر 11 ستمبر کو اپنا پہلا غیر ملکی دورہ کریں گے
- کوٹ رادھا کشن؛ معمولی جھگڑے پر نوجوان نے چاقو کے وار سے 5 بچوں کو شدید زخمی کردیا
- چیمپئنز ٹرافی انتظامات کا جائزہ لینے آئی سی سی وفد آئندہ ہفتے پاکستان آئے گا
- بھارت؛ لکھنو میں تین منزلہ کمرشل عمارت منہدم، 8 افراد ہلاک
- سینٹرل آرکیالوجیکل لیبارٹری کی ٹیم کا منگلا پاور ہاؤس اسٹیشن کا دورہ
- کراچی: آواری ٹاور پر خوفناک حادثے میں نیوز اینکر جاں بحق
- گورنر کے پی کا وزیراعلیٰ کے مشیر کی تقرری کی منظوری سے انکار
- وزیراعلیٰ کے پی کے بے بنیاد الزامات پر صحافیوں کا اندراج مقدمہ کا اعلان
- قصور؛ کمرشل پراپرٹی کوبطورزرعی اراضی ٹرانسفر کرواکر کروڑوں غبن کرنے کا اسکینڈل
- بانی پی ٹی آئی نے صہیونی قصابوں کی آج تک کھل کر مذمت نہیں کی، وزیردفاع
- جابر حکمران کے خلاف آواز اٹھانا جہاد ہے، ہم یہ جہاد کریں گے، علی امین گنڈاپور
- پانی، بجلی،گیس اور پیٹرول سیاسی پارٹیوں کا مسئلہ ہے ہی نہیں، حافظ نعیم
- صدر مملکت آصف علی زرداری سے چیئرمین رویت ہلال کمیٹی کی ملاقات
- سندھ میں نان فارمل ایجوکیشن کیلیے 3 ہزار سینٹر قائم کیے جائیں گے، وزیر تعلیم
لاہور، سیلزمین کو تشدد کا نشانہ بنانے والی لڑکیاں مریم نفیس کی سہیلیاں نکلیں
![لاہور میں دو لڑکیوں نے کم عُمر سیلزمین پر تشدد کیا تھا : فوٹو : ویب ڈیسک](https://c.express.pk/2024/07/2665918-maryam-1720686788-563-640x480.jpg)
لاہور میں دو لڑکیوں نے کم عُمر سیلزمین پر تشدد کیا تھا : فوٹو : ویب ڈیسک
پاکستانی ڈرامہ انڈسٹری کی اداکارہ مریم نفیس نے انکشاف کیا ہے کہ دو روز قبل لاہور میں کم عمر سیلز مین پر تشدد کرنے والی دونوں لڑکیاں اُن کی جاننے والی ہیں۔
دو روز قبل لاہور میں ایک واقعہ پیش آیا تھا جس کی سی سی فوٹیج سوشل میڈیا پر وائرل ہوئی تھی جس میں دیکھا جاسکتا ہے کہ لڑکیاں کافی کے مگ پکڑے شاپ کے کیش کاؤنٹر پر کھڑی ہیں، پھر وہ کم عمر سیلزمین کیشیئر پر برہم ہونے لگتی ہیں اور کاؤنٹر کے اندر جاکر وہ لڑکیاں سیلزمین پر تشدد کرنے لگتی ہیں۔
دونوں لڑکیوں نے کاؤنٹر پر موجود تینوں سیلزمین لڑکوں پر تشدد کیا، جب ایک بزرگ گاہک نے لڑکیوں کو روکا تو اُنہوں نے اُس شخص کو بھی سُنائی اور پھر پولیس اسٹیشن چلی گئیں۔
اب اس واقعے کے حوالے سے اداکارہ مریم نفیس کا بیان سامنے آیا ہے جس میں اُنہوں نے کہا کہ سی سی ٹی وی فوٹیج دیکھ کر سب سوچ رہے ہوں گے کہ ان لڑکیوں نے سیلزمین پر تشدد کیوں کیا، تو میں سب سے پہلے بتانا چاہتی ہوں کہ میں ان دونوں لڑکیوں کو بہت اچھے سے جانتی ہوں اور ان میں سے ایک لڑکی تو میری بہت اچھی دوست بھی ہے۔
مریم نفیس نے کہا کہ میں اس واقعے پر دو دن سے خاموش تھی کیونکہ میں نے سوچا تھا کہ لوگ کہانی کا دوسرا رُخ بھی دیکھیں گے لیکن افسوس ایسا نہیں ہوا۔
اداکارہ نے دعویٰ کیا کہ اس واقعے کے بعد دونوں لڑکیوں کو ریپ اور قتل کی دھمکیاں دی جارہی ہیں، اسی وجہ سے، وہ اب اس واقعے پر بات کررہی ہیں۔
اُنہوں نے کہا کہ سیلزمین نے دونوں لڑکیوں کو طوائف کہا تھا، اُن کی جسمات اور لباس پر بات کی تھی، دونوں لڑکیوں کو غلیط گالیاں بھی دی گئیں اور ساتھ ہی غیرمناسب باتیں بھی بولی گئیں۔
مریم نفیس نے کہا کہ جب دونوں لڑکیوں نے سیلزمین کو تنبیہ کی کہ تم ایسی گھٹیا باتیں نہیں بول سکتے تو لڑکے نے اُنہیں اسٹور سے نکلنے کا کہا جس پر لڑکیوں نے انکار کردیا۔
اداکارہ نے کہا کہ اسٹور میں موجود لوگوں نے ویڈیوز بنانا شروع کردیں تھیں اور چونکہ دونوں لڑکیاں مغربی لباس میں ملبوس تھیں تو ویڈیو دیکھ کر سب نے یہی کہا کہ یہ دونوں لڑکیاں ہی خراب ہیں اور ان کا باپ وکیل ہوگا جبکہ ایسا کچھ نہیں ہے۔
اُنہوں نے کہا کہ سچ تو یہ ہے کہ ان دونوں میں سے ایک لڑکی دوسرے شہر سے لاہور آئی ہوئی ہے اور یہاں ملازمت کرتی ہے، ان کے پاس کوئی طاقت نہیں۔
مریم نفیس نے کہا کہ ہم ایسے معاشرے میں رہتے ہیں جہاں خواتین سے ہراساں کرنے کا ثبوت مانگا جاتا ہے اور یہ ثبوت مرد نہیں بلکہ خواتین ہی مانگ رہی ہیں۔
اداکارہ نے اسٹور کے مالک سے درخواست کی کہ وہ اس ویڈیو کی وائس ریکارڈنگ نکالیں تاکہ واقعے کی حقیقت سب کے سامنے آسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔