- اللہ نے طاقت دی تو فلسطین جاکر اسے آزاد کرائیں گے، ایم کیو ایم رہنما
- سویڈن کی وزیرخارجہ پر پارلیمنٹ میں اسرائیل کی حمایت کے الزام میں ٹماٹروں کی برسات
- پی ٹی آئی احتجاج، اسلام آباد اور راولپنڈی میں موٹرسائیکل کی ڈبل سواری پر پابندی عائد
- اطالوی ثقافت اور زبان کو اجاگر کرنے کیلیے تقریب کا انعقاد
- لبنان میں حزب اللہ کیلئے کوئی محفوظ پناہ گاہ نہیں چھوڑیں گے، اسرائیلی آرمی چیف
- خلیجی ریاستوں کی ایران کو اسرائیل سے تنازع میں غیرجانبدار رہنے کی یقین دہانی
- ایک روز میں 17 اسرائیلی فوجی مار ڈالے، حزب اللہ کا دعویٰ
- پی ٹی آئی احتجاج، اسلام آباد،راولپنڈی میں اسکولز اور میٹرو بس سروس بند رہے گی
- اسرائیل کا لبنان میں مزید ایک فوجی ہلاکت کا اعتراف
- کراچی: سخی حسن قبرستان کے قریب پولیس مقابلہ، دو ڈاکو گرفتار
- احتجاج کیوں ملتوی کریں؟ پہلے کون آیا ہوا تھا جو ہم پر لاٹھی چارج کیا گیا، علی محمد خان
- دو دن ہی کیوں نہ لگیں ڈی چوک پر لازمی پہنچنا ہے، عمران خان کی وزیراعلی کے پی کو ہدایت
- خضدار میں سی ٹی ڈی سے مقابلے میں کالعدم ٹی ٹی پی کے 4 دہشت گرد ہلاک
- ویمنز ٹی 20 ورلڈ کپ میں پاکستان کا فاتحانہ آغاز، سری لنکا کو شکست
- سابق صدر عارف علوی کا کراچی میں قائم ڈینٹل کلینک سیل
- پنجاب میں الیکشن ٹریبیونلز کی تشکیل کا نوٹیفکیشن جاری
- ادارے کے سربراہ کا پتلا نذر آتش کرنے پر چیئرمین پی ٹی آئی سمیت 20 وکلا کے خلاف مقدمہ درج
- سوشل میڈیا پر اچھائی کے مقابلے میں برائی زیادہ پھیل رہی ہے، ڈاکٹر ذاکر نائیک
- کراچی: مختلف ٹریفک حادثات میں 4 افراد جاں بحق
- ناصر حسین شاہ کا سالانہ مائکرو سافٹ کانفرنس کی اختتامی تقریب سے خطاب
وزیراعلیٰ پنجاب مریم نواز کا اسپیشل افراد کیلئے ہمت کارڈ کا اعلان
لاہور: وزیر اعلیٰ پنجاب مریم نواز نے اسپیشل افراد کے لیے ہمت کارڈ کا افتتاح کردیا اور مخصوص کارڈ کو ٹریول کارڈ میں تبدیل کرنے کا بھی اعلان کردیا اور اس کے ساتھ انہیں دیگر سہولیات بھی فراہم کی جائیں گی۔
وزیراعلیٰ پنجاب کے دفتر سے جاری اعلامیے کے مطابق وزیراعلیٰ مریم نواز نے ہمت کارڈ کو اسپیل افراد کے لیے ٹریول کارڈ میں تبدیل کرنے اور اسپیشل افراد کو ہئیرنگ ایڈ، ویل چیئر اور مصنوعی اعضا بھی فراہم کرنے کا اعلان کردیا ہے۔
مریم نواز نے کہا کہ اسپیشل افراد کو دونوں ہاتھوں سے سلوٹ پیش کرتی ہوں، اسپیشل افراد اورنج لائن، لاہور، ملتان اور راولپنڈی میٹرو بس میں بھی کارڈ کے ذریعے مفت سفر کرسکیں گے، 15 اکتوبر سے پنجاب میں ہمت کارڈ کو اسپیشل افرادٹریول کارڈ کے طورپر استعمال کرسکیں گے-
انہوں نے کہا کہ ہمت کارڈ کی تعداد 65 ہزار سے زیادہ کی جائے گی اور وہ وزیراعلی کو خط لکھ کر بھی ہمت کارڈ حاصل کرسکیں گے-
وزیراعلی پنجاب مریم نواز نے ہمت کارڈ لانچنگ تقریب سے خطاب میں کہا کہ بیڈ پر موجود یا گھر سے نکل کر روزی کمانے کی سکت نہ رکھنے والے اسپیشل افراد کو ہمت کارڈ دے رہے ہیں،ا سپیشل افراد ہمت کارڈ کے حصول کے بعد معاشرے اور گھر والوں پر بوجھ نہیں رہیں گے، اسپیشل افراد ہم سب سے زیادہ ہمت رکھنے والے لوگ ہوتے ہیں، درپیش مشکلات کے باوجود ہمت حوصلے اورصبر کا دامن نہیں چھوڑتے ہیں-
ان کا کہنا تھا کہ اسپیشل افراد کو وزیراعلیٰ پنجاب اور اسپیشل ویلفیئر ڈپارٹمنٹ کو لکھ کر اسپیشل افراد ہمت کارڈ پروگرام میں شامل ہوسکتے ہیں، 3ماہ کے لیے ساڑھے 3ہزار کی رقم بہت زیادہ نہیں لیکن کچھ نہ کچھ سہولت ضرور حاصل کرسکیں گے، اسپیشل افراد کو مصنوعی بازو بھی مہیا کریں گے، اسپیشل افراد دراصل حکمرانو ں او رمعاشرے کی آزمائش ہیں۔
انہوں نے کہا کہ اسپیشل افراد کو درپیش آزمائش میں ان کے ساتھ ہوں جو ممکن ہوا کروں گی، بازو اور ٹانگوں سے محروم اسپیشل نوجوانوں کی اسکیچ بنانے کی صلاحیت دیکھ کر حیران رہ گئی ہوں۔
مریم نواز نے کہا کہ غریب اور مستحق کی دادرسی مسلم لیگ (ن) کے دور حکومت میں ہوتی ہے، معیشت مسلم لیگ (ن) کے دور میں ہی ترقی کرتی ہے-
انہوں نے کہا کہ پچھلے 4،5 سال میں نااہل اورنالائقوں کی مجرمانہ غفلت کی وجہ سے مہنگائی 38 فیصد پر پہنچ گئی تھی، آج مسلم لیگ (ن) کے دورمیں مہنگائی کی شرح 6.9 پر آچکی ہے، پچھلے دور میں روٹی 25 روپے کی ملتی تھی، آج روٹی 15روپے میں مل رہی ہے-
مریم نواز نے کہا کہ خیبر پختونخوا میں کوئی دیکھنے والا نہیں اور روٹی 25روپے کی ہوگئی ہے، میں پاکستانی پہلے اور پنجابی بعد میں ہوں، خیبر پختونخوا سمیت باقی صوبو ں کے عوام کے لیے بھی میرا دل دھڑکتا ہے، دوسرو ں کو کام سے روکنے، انتشار پھیلانے والے دراصل ذہنی مفلوج ہوتے ہیں-
ان کا کہنا تھا کہ ہر روز نیا تماشا اور ڈراما کرنے سے مجھے فرق نہیں پڑتا لیکن عوام کی خدمت میں خلل آتا ہے، عوام کی خدمت میں خلل آنے کو عوام کا درد رکھنے والے ہی سمجھ سکتے ہیں، عوام کی زندگی مشکل بنانے والے دھرتی پر بوجھ ہیں، دوسرے صوبوں پر حملہ آور ہونے کے لیے خرچ ہونے والا پیسہ خیبر پختونخوا کے عوام پر خرچ کریں-
وزیراعلیٰ پنجاب نے کہا کہ لا اینڈ آرڈر کی بحالی کے لیے ملنے والے شیل دوسرے صوبے کی پولیس پر برسائے جاتے ہیں، خیبر پختونخوا ہمارا ہے تو پنجاب بھی آپ کا ہے، پنجاب کے ہر شہر میں خیبرپختونخوا سے آ کر لوگ کاروبار کر رہے ہیں، پنجاب پر حملہ کرنے والے دراصل اپنے ہی لوگوں پر حملہ کررہے ہیں-
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔