پریانکا چوپڑا کی بیٹی مالتی کی دلکش تصویریں وائرل، مداحوں کے دل جیت لیے

لاس اینجلس: بین الاقوامی شہرت یافتہ اداکارہ پریانکا چوپڑا اکثر اپنی ذاتی زندگی کے لمحات مداحوں کے ساتھ شیئر کرتی ہیں، خاص طور پر اپنی بیٹی مالتی ماری چوپڑا جوناس کی تصاویر بھی شیئر کرتی ہیں۔

حال ہی میں، انہوں نے مالتی کی پلے ڈیٹ کی کچھ دلکش تصویریں شیئر کیں، جو تیزی سے وائرل ہوگئیں اور مداحوں سے زبردست ردعمل موصول ہوا۔

پریانکا نے اپنی انسٹاگرام اسٹوریز پر مالتی کی ایک تصویر شیئر کی، جس میں وہ پرنٹڈ جیکٹ پہنے ببلز کے ساتھ کھیل رہی ہیں، جبکہ ایک اور تصویر میں وہ اپنے دوستوں کے ساتھ پیانو بجاتی نظر آ رہی ہیں۔

اپنے مصروف شیڈول کے باوجود، پریانکا ہمیشہ اپنی بیٹی کے لیے وقت نکالتی ہیں اور اکثر مداحوں کو مالتی کی زندگی کے حسین لمحوں سے آگاہ رکھتی ہیں۔

حال ہی میں، پریانکا نے اتوار کے دن کی ایک خوبصورت جھلک شیئر کی، جس میں وہ اور مالتی ایک ساتھ سکون کے لمحات گزار رہے ہیں۔

انہوں نے اپنی انسٹاگرام اسٹوری میں ایک دلکش سیلفی شیئر کی، جس میں وہ مالتی کو گلے لگائے ہوئے ہیں۔ اس تصویر کو کیپشن دیا گیا: “ایسے اتوار…” ساتھ ہی دل کا ایموجی بھی شامل کیا۔