ترکیہ میں نبوت کا دعویٰ کرنے والا ملعون گرفتار؛ عرب میڈیا

انقرہ: ترکیہ کی ریاست کیناکلے میں مصطفیٰ شابوک نامی شخص کو نبوت کا جھوٹا دعویٰ اور لوگوں کے ساتھ مالی فراڈ کرنے پر حراست میں لے لیا گیا۔

العربیہ نیوز کے مطابق اس شخص نے پہلے اپنا علیحدہ ایک گروپ بنایا اور جب اسے ماننے والوں کی تعداد بڑھ گئی تو پہلے ’’المھدی المنتظر‘‘ ہونے کا دعویٰ کردیا۔

بعد ازاں اس شخص نے نبوت کا جھوٹا دعویٰ کیا اور زلزلے کے متاثرین کی مدد کے نام پر رقوم بٹوری۔ پھر زائد منافع کی اسکیمیں متعارف کرائیں۔ مالی فراڈ سامنے آنے پر روپوش ہوگیا۔

تاہم ترکیہ کی پولیس اس ملعون شخص کو حراست میں لینے میں کامیاب ہوگئی اس کے 15 قریبی ایجنٹوں کو بھی مختلف مقامات سے گرفتار کرلیا گیا۔

جھوٹی نبوت کا دعویٰ کے علاوہ مالی فراڈ کی دفعات کے تحت مقدمہ درج کرکے تفتیش کا آغاز کردیا جس کی بنیاد پر کڑی سے کڑی سزا دیے جانے کا امکان ہے۔