برازیلین فٹبالر کاکا کے چینی کلب سے رابطے

برازیلین فٹبالر گوئزہو کلب سے وابستہ ہوسکتے ہیں اور اس حوالے سے ان کی بات چیت جاری ہے،چینی سرکاری میڈیا ۔ فوٹو: سوشل میڈیا

---

برازیلین اسٹار فٹبالر کاکا نے چینی کلب گوئزہو ہینگ فینگ زیچینگ نامی کلب سے رابطے کر رکھے ہیں جب کہ وہ چائنیز سپر لیگ (سی ایس ایل ) میں منتقل ہونے کا سوچ رہے ہیں۔

میڈیا رپورٹس کے مطابق کاکا نے چینی کلب گوئزہو ہینگ فینگ زیچینگ نامی کلب سے رابطے کر رکھے ہیں جب کہ تجربہ کار پلیئر اپنے ڈھلتے کیریئر کو دوام بخشنے کیلیے چائنیز سپر لیگ (سی ایس ایل ) میں منتقل ہونے کا سوچ رہے ہیں۔

واضح رہے کہ ماضی میں رئیل میڈرڈ اور اے سی میلان جیسے بڑے کلبز سے وابستہ رہنے والے 35 سالہ کاکا نے گذشتہ ماہ امریکی کلب اورلانڈو سٹی کو چھوڑدیا تھا، اب وہ کسی بھی نئی سائیڈ سے معاہدے کرنے کیلیے آزاد ہیں، ادھر چینی سرکاری میڈیا کے مطابق برازیلین فٹبالر گوئزہو کلب سے وابستہ ہوسکتے ہیں اور اس حوالے سے ان کی بات چیت جاری ہے۔