منشیات فروش کا صحافی پر حملہ تشدد کر کے زخمی کر دیا

بدین پریس کلب کا ایک اجلاس اللہ رکھیو نعیم کی زیرصدارت ہوا جس میں صحافی پرمنشیات فروش کی جانب سے حملہ کر کے زخمی کرنے کی سخت الفاظ میں مذمت کی گئی.

---

منشیات فروشی سے روکنے پر صحافی پر حملہ،تشدد کر کے زخمی کر دیا اور کپڑے پھاڑ دیے۔

صحافیوں میں تشویش کی لہر۔تفصیل کے مطابق سیرانی روڈ محمدی مسجد محلہ میں منشیات کی فروخت سے منع کرنے پر ایڈنو عرف ابو ملاح نے صحافی نور حسن سولنگی پر حملہ کر دیا اور اسے شدید زخمی کردیا،اس کے کپڑے بھی پھاڑدیے۔ متاثرہ صحافی نے میڈیا کو بتایا کہ اس سے پہلے پولیس کو بھی اطلاع دی گئی۔



لیکن پولیس نے کوئی کارروائی نہیں کی۔دوسری جانب بدین پریس کلب کا ایک اجلاس اللہ رکھیو نعیم کی زیرصدارت ہوا جس میں صحافی پرمنشیات فروش کی جانب سے حملہ کر کے زخمی کرنے کی سخت الفاظ میں مذمت کی گئی اور مطالبہ کیا گیا کہ ملزم کو گرفتار کیا جائے۔دوسری جانب جماعت اسلامی بدین کے رہنمائوں دائود شاہ گیلانی،اللہ بچایو ہالیپوٹہ ودیگر نے صحافی پر حملے کی شدید الفاظ میں مذمت کی ہے۔