پی ایس ایل 3 لاہور میچز کے آن لائن ٹکٹ فروخت نہ ہوسکے

 ویب سائٹ کا پہلے دن ہی لنک ڈاؤن،میچزدیکھنے کے خواہش مندوں کوشدید تکلیف کا سامنا۔ فوٹو: فائل

---

HONG KONG: پی ایس ایل 3 کے لاہور میں شیڈول دونوں پلے آف میچز کے آن لائن ٹکٹوں کی فروخت کے لیے قائم کی جانے والی ویب سائٹ پہلے دن ہی لنک ڈاؤن ہوگئی تاہم ٹکٹ فروخت کے اعلان کے باجود دستیاب نہیں ہوسکے۔

پی سی بی کے تحت جاری پی ایس ایل کے تیسرے ایڈیشن کے دو ایلیمینٹر میچز 18 اور 20 مارچ کو لاہور میں کھیلے جانے ہیں۔ ان میچز کے لیے سہولت فراہم کرنے والے مقررہ کوریئر سروس ادارے نے یکم مارچ سے آن لائن ٹکٹ فروخت کرنے کا اعلان کیا تھا جبکہ ملک بھر میں 78 مراکز پر ٹکٹ بیچنے کا اعلان کیا تھا جبکہ ان کا عملی آغاز جمعے سے ہونا تھا تاہم آن لائن ٹکٹ کے دعوے دھرے کے دھرے رہ گئے، بوجوہ آن لائن ٹکٹوں کی فروخت شروع نہیں ہوسکی۔