پی ایس ایل سنگاکارا 177 رنز بنا کر سب سے آگے بولرز میں عمران طاہر کی 10وکٹیں

عمران طاہر نے ہیٹ ٹرک سمیت 10شکار کیے۔ فوٹو : فائل

---

KARACHI: پی ایس ایل میں اب تک کمار سنگاکارا 177 رنز بنا کر بیٹسمینوں میں سب سے آگے ہیں۔

کراچی کنگز کے کمار سنگاکارا 177 رنز بنا کر بیٹسمینوں میں سب سے آگے ہیں جب کہ ڈیوائن اسمتھ148،شین واٹسن 146، کامران اکمل 134، تمیم اقبال 134، شعیب ملک 125، محمد حفیظ 125، برینڈن میک کولم123،لیوک رونکی 117 جبکہ خرم منظور اور حسین طلعت 100، 100 رنز اسکور کرنے میں کامیاب رہے۔

فخر زمان 99، بابر اعظم 93،احمد شہزاد76،عمر امین 69، سرفراز احمد 61، کیون پیٹرسن59 اورعمر اکمل صرف 57 رنز بنا سکے،عمادد وسیم نے33 رنز ہی اسکور کیے ہیں، حارث سہیل نے 19 رنز بنائے لیکن انھوں نے میچ بھی تین کھیلے ہیں۔

بولرز میں عمران طاہر نے دھاک بٹھا رکھی ہے،انھوں نے ہیٹ ٹرک سمیت 10شکار کیے،محمد سمیع بھی اچھی فارم میں نظر آئے اور8 کھلاڑیوں کو آؤٹ کر چکے،جنید خان نے ہیٹ ٹرک سمیت7وکٹیں اڑائیں۔

وہاب ریاض نے بھی اتنے ہی شکار کیے،عمید آصف،محمد عرفان،شین واٹسن،فہیم اشرف اور یاسر شاہ نے 6، 6 وکٹیں اپنے نام کے آگے درج کرائیں، محمد عامر نے اب تک صرف 4ہی پلیئرز کو آؤٹ کیا۔