والدہ کا انتقال لاہور قلندر کے کیمرون ڈیل پورٹ وطن واپس روانہ

کیمرون ڈیل پورٹ آئندہ میچز کے لیے دستیاب نہیں ہوں گے، منیجمنٹ لاہور قلندرز۔ فوٹو : فائل

---

KARACHI: والدہ کے انتقال کے باعث لاہور قلندر کے کھلاڑی کیمرون ڈیل پورٹ واپس وطن روانہ ہوگئے۔

پاکستان سپر لیگ تھری میں لاہور قلندرز کی نمائندگی کرنے والے جنوبی افریقی آل راﺅنڈر کیمرون ڈیل پورٹ والدہ کے انتقال کے باعث وطن واپس روانہ ہو گئے ہیں، وہ ڈربن میں اپنی والدہ کی آخری رسومات میں شرکت کریں گے۔

لاہور قلندرز کی منیجمنٹ کے مطابق وہ آئندہ میچز کے لیے دستیاب نہیں ہوں گے جب کہ ان کی واپسی کے حوالے سے ابھی تک کچھ نہیں بتایا گیا۔ اس سے قبل بنگلہ دیشی پیسر مستفیض الرحمان قومی ٹیم کے دورہ سری لنکا کی وجہ سے واپس جا چکے ہیں۔

واضح رہے کہ پاکستان سپر لیگ تھری میں لاہور قلندرز کی ٹیم ابھی تک فتح کا ذائقہ نہیں چکھ سکی اور پہلے پانچوں میچز میں شکست کا کڑوا گھونٹ بھرنا پڑا ہے۔