2 ماہ کیلیے نئی مانیٹری پالیسی کا اعلان 12 اپریل کو متوقع

اسٹیٹ بینک تمام موجود اندرونی اور بیرونی معاشی حالات کا جائزہ لینے کے بعد شرح سود کا اعلان کرے گا۔ فوٹو: فائل

---

KARACHI: اسٹیٹ بینک کی جانب سے آئندہ 2 ماہ کیلیے نئی مانیٹری پالیسی کا اعلان 12 اپریل کو متوقع ہے۔

اسٹیٹ بینک کراچی ہیڈ آفس میں بنیادی شرح سود کے تعین کیلیے گورنر اسٹیٹ بینک کی زیر صدارت بورڈ آف ڈائریکٹرز کا اجلاس 12 اپریل کو ہوگا۔ جس میں آئندہ 2 ماہ کے لیے نئی مانیٹری پالیسی کا اعلان کیا جائے گا۔ اسٹیٹ بینک کی جانب سے جاری کی گئی گزشتہ مانیٹری پالیسی میں بنیادی شرح سود ساڑھے 9 فیصد پر برقرار رکھی گئی تھی۔



رواں مالی سال کے پہلے 9 ماہ میں مہنگائی کی اوسط شرح 7.9 فیصد ریکارڈ کی گئی ہے جو کہ حکومت کی جانب سے رواں مالی سال کے لیے مقررہ ہدف9.5 فی صد سے کم ہے۔ اسٹیٹ بینک تمام موجود اندرونی اور بیرونی معاشی حالات کا جائزہ لینے کے بعد شرح سود کا اعلان کرے گا۔