خواتین کیسز کی تفتیش مرد افسران سے کرانے کا انکشاف

وفاقی پولیس نے خواتین کو انصاف کی فراہمی کیلیے الگ سے قائم ویمن تھانے کی افادیت ختم کرکے رکھ دی۔ فوٹو:فائل

---

وفاقی پولیس میں خواتین کیسز کی تفتیش مرد افسران سے کرانے کا انکشاف ہوا ہے۔

رول ماڈل کے طورپربنائی گئی وفاقی پولیس نے خواتین کو انصاف کی فراہمی کیلیے الگ سے قائم ویمن تھانے کی افادیت ختم کرکے رکھ دی۔

وفاقی پولیس حکام کی چشم پوشی کی وجہ سے خواتین ملزمان کیخلاف شکایات جی سیون مرکزمیں قائم ویمن پولیس اسٹیشن کوبھجوانے کے بجائے مردوں کے تھانوں میںہی مقدمات کااندراج ہونے لگا۔ صرف مارچ کے مہینے میں 10 سے زائد لڑکیوں کیخلاف مردوں کے تھانوں میں مقدمات درج کرکے ان سے تفتیش کیلیے بھی مرد افسران کومتعین کیاگیا۔