3 مسلح افراد نے لاکھوں روپے 19 موبائل لوٹ لیے

ملزمان سیٹلائیٹ ٹائون میں واقع مٹھائی کی دکان میں دن دیہاڑے اسلحے کے زور پر ہزاروں روپے اور 4 عدد قیمتی موبائل فون چھین کر فرار ہوگئے۔ فوٹو: فائل

---

3 نامعلوم موٹر سائیکل سوار مسلح افراد شہر میں خوف کی علامت بن گئے، مختلف علاقوں میں وارداتوں کے دوران عوام کو لاکھوں روپے مالیت کے قیمتی سامان اور نقدی سے محروم کر دیا۔

تاجر برادری اور عوام کا سخت احتجاج،ٹائر نذر آتش۔ تفصیلات کے مطابق میرپورخاص کے علاقے ریوا چند گارڈن میں 3 نامعلوم موٹر سائیکل سوار مسلح افراد ایک مقامی ٹائل ڈیلر کے آفس میں گھس گئے اور اسلحے کے زور پر عملے کو یرغمال بنا کر 2 لاکھ روپے نقد، 15عدد قیمتی موبائل چھین لیے۔



مذکورہ ملزمان سیٹلائیٹ ٹائون میں واقع مٹھائی کی دکان میں دن دیہاڑے اسلحے کے زور پر ہزاروں روپے اور 4 عدد قیمتی موبائل فون چھین کر فرار ہوگئے۔ واقعے کیخلاف آل انجمن تاجران سندھ کے نائب صدر انیس الرحمن کی قیادت میں تاجروں نے سخت احتجاج کیا اور ٹائر نذر آتش کیے۔