جرمنی میں حملہ آور نے گاڑی ہجوم پر چڑھا دی 4 افراد ہلاک

دسمبر2016 میں تیونس کے شہری نے برلن میں کرسمس کے موقع پر ٹرک ہجوم پر چڑھا دیا تھاجس میں 12افراد ہلاک ہوئے تھے۔ فوٹو: فائل

---

جرمنی کے مغربی شہرمیونسٹر میں ایک وین راہ گیروں پر چڑھا دی گئی جس کے نتیجے میں4 افراد ہلاک اور30 زخمی ہو گئے۔

جرمن وزارت داخلہ کے ترجمان کے مطابق ہلاک ہونے والوں میں ڈرائیور بھی شامل ہے، اس سے پہلے پولیس کا کہنا تھا کہ یہ بظاہر ایک حملہ ہے اور وین ڈرائیور نے خود کوگولی مارکر موقع پر ہی خودکشی کر لی، 6 زخمیوں کی حالت تشویشناک بتائی جاتی ہے تاہم واقعے کی تحقیقات جا ری ہے۔

واضح رہے کہ جرمنی حالیہ برسوں میں دہشت گردی کے واقعات کا نشانہ بنتا رہا ہے جہاں ہجوم پر گاڑیاں چڑھا کر کئی شہریوں کی جان لی جا چکی ہے، دسمبر2016 میں تیونس کے 24 سالہ شہری انیس امری نے برلن میں کرسمس کے موقع پر ایک ٹرک اغوا کر کے ہجوم پرچڑھا دیا تھا جس سے 12افراد ہلاک اور48 زخمی ہوگئے تھے۔