وزارت پانی وبجلی کے پاس بجلی پرسبسڈی کیلیے فنڈختم

وزیراعظم کی ہدایت کے باوجودوزارت خزانہ نے تھرمل پاورپلانٹس کیلیے فنڈ جاری نہیں کیے فوٹو : فائل

---

وزارت پانی وبجلی کے پاس بجلی پردی جانیوالی سبسڈی کیلیے فنڈختم ہوگئے ہیں، وزارت پانی و بجلی نے وزارت خزانہ سے سبسڈی کیلیے مزیدرقم کے حصول کیلیے رابطہ کرلیاہے۔

وزارت خزانہ نے تھرمل پاورپلانٹس کوبلاتعطل فیول کی خریداری کیلیے وزیراعظم کی ہدایات کے باوجودابھی تک فنڈجاری نہیںکیے جس کی وجہ سے لوڈشیڈنگ میںاضافہ ہونے کے امکانات پیداہوگئے ہیں۔



سیکریٹری پانی وبجلی انوار احمدنے 'ایکسپریس' کے استفسارپربتایاکہ وزارت پانی وبجلی کی یہ کوشش ہے کہ لوڈشیڈنگ میںکمی لائی جائے ہمیں مالی وسائل کی ضرورت ہے، اگرگیس اورتیل کی بلاتعطل فراہمی کیلیے فنڈ دیے گئے تولوڈشیڈنگ کے دورانیے میںکمی واقع ہوگی بصورت دیگروزارت پانی و بجلی سبسڈی نہیںدے سکتی۔ انھوںنے کہاکہ توانائی کا بحران حل کرنے کیلیے شارٹ ٹرم اورلانگ ٹرم اقدامات کیے جا رہے ہیں،بجلی چوری میںملوث عناصرکے ساتھ کسی قسم کی رعایت نہیں کریںگے۔