سندھ سے سابق پی پی ایم این اے طلعت مہیسر کی پی ٹی آئی میں شمولیت کا فیصلہ

طلعت مہیسر کو پیپلز پارٹی کی جانب سے ٹکٹ نہیں دیا گیا جس کے باعث انہوں نے پی ٹی آئی میں شمولیت کا فیصلہ کیا ہے۔ فوٹو: فائل

---

پیپلز پارٹی کے رہنما و سابق رکن قومی اسمبلی طلعت مہیسر نے تحریک انصاف میں شمولیت کافیصلہ کرلیا۔

ذرائع کے مطابق ضلع دادو کی تحصیل میہڑ کی بااثر سیاسی شخصیت اور پیپلز پارٹی کے سابق ایم این اے طلعت مہیسر نے تحریک انصاف میں شمولیت کا فیصلہ کیا ہے۔

ذرائع نے بتایاکہ طلعت مہیسر معروف سیاستدان ہیں جن کا علاقے میں کافی سیاسی اثرورسوخ ہے تاہم انہیں پیپلز پارٹی کی جانب سے ٹکٹ نہیں دیا گیا جس کے باعث انہوں نے پی ٹی آئی میں شمولیت کا فیصلہ کیا ہے۔