ٹنڈو آدم مقابلے کے بعد ڈاکو زخمی حالت میں گرفتار

3مسلح افراد شیر خان لغاری کے قریب روڈ بلاک کر کے لوٹ مار کرر ہے تھے،پولیس نے گھیر لیا،2 ملزمان فرار۔ فوٹو: فائل

---

تعلقہ تھانہ ٹنڈو آدم کی حدود میں شہداد پور جھول روڈ پر بس اسٹاپ شیر خان لغاری کے قریب 3مسلح افراد نے روڈ بلاک کر کے مسافروں کولوٹنے کی کوشش کی، اس دوران پولیس پہنچ گئی پولیس کو دیکھتے ہی ملزمان نے فائرنگ کر دی۔

فائرنگ کے تبادلے کے بعد پولیس نے ایک ملزم کو پستول سمیت گرفتار کرلیا جبکہ 2ہتھیار بند فرار ہوگئے زخمی ہونے والے ملزم کو تعلقہ اسپتال ٹنڈو آدم میں داخل کرا دیا گیا ہے۔



پولیس کا کہنا ہے کہ گرفتار ہونے والے ملزم کا نام پتہ نہیں چل سکا۔دوسرے واقعہ میں ٹنڈو آدم شہر کے ایم اے جناح روڈ پر ٹنڈوآدم اے سیکشن پولیس نے ایک شخص پرویز جاگیرانی کو پستول سمیت گرفتار کرلیا۔