چین سے لاہور آنے والی پرواز منسوخ مسافر ایئرپورٹ پر محصور

پرواز منسوخ ہونے پر انتظامیہ نے اب تک متبادل فلائٹ نہیں دی، مسافر۔ فوٹو: ایکسپریس

---

چین کے شہر گوانگزو سے لاہور آنے والی فلائٹ منسوخ ہونے سے مسافر ائیرپورٹ پر پھنس گئے۔

ایکسپریس نیوز کے مطابق چین کے شہر گوانگزو سے لاہور آنے والی نجی ایئرلائن کی پرواز منسوخ ہونے سے مسافر ائیرپورٹ پر پھنس گئے جس کے باعث ایئرپورٹ پر انہیں مشکلات کا سامنا ہے۔



اطلاعات ہیں کہ کئی مسافروں کے ویزے بھی ختم ہونے والے ہیں، مسافر بے یار و مددگار ایئرپورٹ پر پڑے ہیں لیکن نجی ائیر لائن کی انتظامیہ انہیں رہائش بھی دینے کے لیے تیار نہیں ہے۔



مسافروں نے بتایا کہ ہماری فلائٹ میں 260 مسافر ہیں جو ایئرپورٹ پر پڑے ہیں، پرواز منسوخ ہونے پر انتظامیہ نے اب تک متبادل فلائٹ نہیں دی۔